ദർശനം മാഗസിൻ

  ✍️  ഹാഫിള് അമീന്‍ നിഷാല്‍ അരീക്കോട്

"അവസാന ആകാശവും കഴിഞ്ഞാൽ ഈ പറവകൾ എങ്ങോട്ട് പോവും"

കഴിഞ്ഞ 7 പതിറ്റാണ്ട് കാലമായി ഫലസ്തീൻ ജനത അനുഭവിക്കുന്ന നീതിനിഷേധത്തിന്റെയും ദൈന്യതയുടെയും ആഴമാണ്  ഈ വാക്കുകളിലൂടെ വിഖ്യാത ഫലസ്തീൻ കവി ദാർവിശ് പ്രകടിപ്പിക്കുന്നത്.കാലമിത്ര  കഴിഞ്ഞിട്ടും ഇന്നും ലോകത്ത് അനിശ്ചിതമായി തുടരുന്ന ഏറ്റവും രൂക്ഷമായ അന്താരാഷ്ട്ര പ്രശ്നമേതെന്ന് ചോദിച്ചാൽ അതിനോരറ്റയുത്തരമേ ഒള്ളൂ ;ഫലസ്തീൻ ഇസ്രയേൽ പ്രശ്നം.പിഞ്ചുകുട്ടികളെയും നിരായുധരായ സാധാരക്കാരെയും വരെ കൊന്നൊടുക്കി മനുഷ്യത്വത്തിന്റെ സകല സീമകളും ലംഘിക്കുന്ന ഇസ്രായേലിന്റെ ക്രൂരതയുടെയും ഫലസ്തീനികളുടെ  ചെറുത്തുനിൽപ്പിന്റെയും രക്തസാക്ഷിത്വത്തിന്റെയും  ഒട്ടനവധി സംഭവങ്ങളാണ് ലോകം കണ്ടും കേട്ടും കഴിഞ്ഞത്.ഏറ്റവും ഒടുവിലായി കഴിഞ്ഞ റമദാനിലെ അവസാന വെള്ളിയാഴ്ച വിശുദ്ധമായ മസ്ജിദ് അൽ അഖ്സയിൽ പ്രാർത്ഥനക്കെത്തിയ വിശ്വാസികൾക്കെതിരെ ഇസ്രായേൽ പട്ടാളം അക്രമണം അഴിച്ചുവിട്ടതിനെതുടർന്നാരംഭിച്ച സംഘർഷം ഇതിനോടകം നൂറുകണക്കിന്   നിരപരാധികളുടെ ജീവൻ അപഹരിച്ചിരിക്കുകയാണ്. ന്യായീകരിക്കാൻ നീതിയുടെ ഒരു കണിക പോലുമില്ലാഞ്ഞിട്ടും അമേരിക്കയുടെ തണലിൽ (വിഷയത്തിൽ  അന്താരാഷ്ട്ര സമൂഹവും  ശക്തമായി ഇടപെടുന്നില്ല )തങ്ങളുടെ സൈനിക ശക്തി ഉപയോഗിച്ചുകൊണ്ട് ഇസ്രായേൽ  പൈശാചികത്വം തുടരുമ്പോൾ  ഫലസ്തീൻ ലോകസമൂഹത്തിന് മുന്നിൽ  ഒരു നോവായി, വികാരമായി അവശേഷിക്കുകയാണ്.

1.ചരിത്രം ചർച്ചയാക്കപ്പെടുമ്പോൾ..

1881ലെ ജൂതരുടെ ഫലസ്തീനിലേക്കുള്ള സംഘടിത പാലായനത്തോടു കൂടിയാണ് ഇന്നത്തെ പലസ്തീൻ ഇസ്രായേൽ പ്രശ്നം ആരംഭിക്കുന്നത്. ചരിത്രാതീതകാലം തൊട്ടേ ഫലസ്തീനിൽ ഒട്ടനേകം അധിനിവേശങ്ങളും മതത്തിന്റെ പേരിലുള്ള ആക്രമണങ്ങളും  കൂട്ടക്കൊലകളുമൊക്കെ  അരങ്ങേറിയിട്ടുണ്ടങ്കിലും അതിന് ഇന്നത്തെ  ഇസ്രായേൽ  ഫലസ്തീൻ പ്രശ്നവുമായി യാതൊരു ബന്ധവുമില്ല എന്നതാണ് യാഥാർത്ഥ്യം.കാരണം ഇവിടെ കൊലയാളികൾ ജൂതരും ഇരയാക്കപ്പെടുന്നത് മുസ്ലിംകളുമാണല്ലോ.. എന്നാൽ ചരിത്രത്തിലെവിടെയും മുസ്ലിംകൾ ജൂതരെ അവരുടെ പുണ്യഭൂമിയായ ജെറുസലേമിൽ നിന്ന് നാടുകടത്തിയതായോ അവരുടെ ദേവാലയങ്ങൾ നശിപ്പിച്ചതായോ കാണാൻ കഴിയില്ല.ജറുസലേമിനു നേരെ ആദ്യമായി വൈദേശികധിക്രമണം നടത്തിയത് BC 722 ൽ അസീറിയൻ രാജവംശത്തിലെ സൈറൺ രണ്ടാമൻ ചക്രവർത്തിയാണ്.പിന്നീട് ബാബിലോണിയക്കാരും അലക്സാണ്ടറും ടോളമിയും സെലൂക്കസ് സാമ്രാജ്യത്തിലെ അന്ത്യോക്യസുമെല്ലാം ഫലസ്തീൻ അധീനപ്പെടുത്തിതുകയും ജൂതരെ കൂട്ടക്കൊല ചെയ്യുകയും ചെയ്തിട്ടുണ്ട്. ജൂതർക്കു നേരെ ഏറ്റവും കൂടുതൽ ക്രൂരതകൾ നടത്തിയത്  റോമാസാമ്രാജ്യത്തിലെ ഭരണാധികാരിയായ  ടൈറ്റസ് സീസറാണ്.AD 70 ൽ ജൂതരുടെ വിശുദ്ധ ദേവാലയമായാ 'Solaman 's Temple' ന് തീയിടുകയും ആയിരക്കണക്കിന് പുരോഹിതന്മാരെ കൊലപ്പെടുത്തുകയും ചെയ്ത ടൈറ്റസ് ജൂതരെ കൂട്ടക്കൊല ചെയ്തു. അവരുടെ ദേവാലയങ്ങളും ഭവനങ്ങളുമെല്ലാം തകർത്തു.ജെറുസലേമിൽ നിന്ന് അവരെ ആട്ടി പുറത്താക്കുകയും ചെയ്തു. AD 637 ൽ ഉമർ (റ) വിന്റെ നേതൃത്വത്തിൽ ഫലസ്തീനിൽ ഇസ്ലാമിക ഭരണം വന്നത് മുതൽ മാത്രമാണ് ഇതിനെല്ലാം ഒരറുതിയായതും ജൂതർക്ക് തങ്ങളുടെ വിശുദ്ധ ഭൂമിയിൽ പുനരധിവസിക്കാൻ കഴിഞ്ഞത് എന്നതും നിഷേധിക്കാനാവാത്ത ചരിത്രസത്യമാണ്.ഒന്നാം കുരിശുയുദ്ധനന്തരം കുരിശുയൊദ്ധക്കൾ ജെറുസലേം കീഴടക്കിയപ്പോഴും ജൂതർ വംശീയമായി വേട്ടയാടപെട്ടിരുന്നു.പിന്നീട് ഖുദ്സിന്റെ വിമോചകൻ സ്വലാഹുദ്ദീൻ അയ്യൂബിയാണ്  ജെറുസലേമിൽ ജൂതരുടെയും വിമോചകനായത്.മാത്രമല്ല കഴിഞ്ഞ നൂറ്റാണ്ടുകളിൽ ക്രിസ്തുവിന്റെ ഘാതകർ എന്ന നിലക്ക്  യൂറോപ്പിന്റെ പല ഭാഗങ്ങളിലും വംശീയാക്രമണങ്ങൾക്കും വിവേചനത്തിനും ഇരയായ ജൂതർ അഭയംതേടി വന്നിരുന്നത് ഉസ്മാനിയ്യ ഖിലാഫത്തിന്റെ പ്രദേശങ്ങളിലേക്കയിരുന്നു ആയിരുന്നു എന്നതും വിസ്മരിക്കാവതല്ല. അതിനാൽ തന്നെ ഇന്ന് ഇസ്രായേൽ ഫലസ്തീനിലെ അറബ് സമൂഹത്തിന് നേരെ നടത്തുന്ന ആക്രമണങ്ങളെ  യാതൊരു തരത്തിലും ന്യായീകരിക്കാനോ അംഗീകരിക്കാനോ നമുക്ക് സാധ്യമല്ല.ഇത് ജൂതന്റെ മധുരപ്രതികാരമല്ല മറിച്ച് ചരിത്രം കണ്ട ഏറ്റവും മൃഗീയമായ വഞ്ചനയാണ്, നന്ദികേടാണ്.

2.സിയോണിസം; ജൂതന്റെ അജണ്ട ഭീകരമാണ്

1881 ലാണ് ഫലസ്തീനിലെക്കുള്ള ഇസ്രായേലിന്റെ സംഘടിത കുടിയേറ്റം(ഏലിയ)ആരംഭിക്കുന്നത്.അതൊരു കേവല കുടിയേറ്റമായിരുന്നില്ല; മറിച്ച് ഫലസ്തീനികളുടെ കയ്യിൽ നിന്നും പണം കൊടുത്തു ഭൂമി വിലക്കുവാങ്ങി സ്ഥിരതാമസവും അധികാരവും ഉറപ്പിക്കുന്ന രീതിയിലുള്ള ഒരു 'കൊളോണിയൽ അധിനിവേഷം'ആയിരുന്നു അത്.വേലികെട്ടി അതിരിടുന്ന  തങ്ങളുടെ അതിർത്തിയിലേക്ക് അറബികളെ പ്രവേശിക്കാൻ ജൂതർ അനുവദിച്ചിരുന്നില്ല.തുടർന്ന് 1897 ൽ സ്വീറ്റ്സർ ലൻഡിലെ ബേസിൽ വച്ച്  സയണിസ്റ്റ് പ്രസ്ഥാനത്തിന് തുടക്കം കുറിക്കപ്പെട്ടു.ജൂതമതം ഉടലെടുത്ത പാലസ്ഥീൻ പ്രദേശത്ത് ഇസ്രയേൽ എന്ന രാഷ്ട്രം രൂപവൽക്കരിക്കുക എന്നായിരുന്നു സയണിസ്റ്റ് പ്രസ്ഥാനത്തിന്റെ പ്രഖ്യാപിത ലക്ഷ്യം.ഹങ്കേറിയൻ മാധ്യമപ്രവർത്തകനായ തിയോഡർ ഹെർഷൽ  ആണ്  The 'Jewish State'എന്ന തന്റെ പുസ്തകത്തിലൂടെ ഈ ആശയത്തിന് തുടക്കം കുറിച്ചത്.'ഭൂമിയില്ലാത്ത ജനതക്ക് (ജൂതർ)ജനത ഇല്ലാത്ത ഭൂമി (ഫലസ്തീൻ)നൽകുക' എന്നായിരുന്നു ഫലസ്തീനിലേക്കുള്ള ജൂത കുടിയേറ്റത്തെ പ്രോത്സാഹിപ്പിച്ചുകൊണ്ട്  സയണിസ്റ്റുകൾ ഉയർത്തിയ മുദ്രാവാക്യം. അന്ന് പത്തുലക്ഷത്തോളം അറബികൾ താമസിക്കുന്ന ഫലസ്തീനെയാണവർ ' ജനതയില്ലാത്ത ഭൂമി ' യായി യായി ചിത്രീകരിച്ചത്. പിന്നീട് ഇസ്രായേൽ രാഷ്ട്ര രൂപീകരണത്തിന് പ്രധാന പങ്കുവഹിച്ചത്  സയണിസ്റ്റ് പ്രസ്ഥാനത്തിന്റെ പ്രവർത്തനങ്ങളാണ്.

എന്നാൽ ഇവിടെ നാം   പ്രത്യേകം പരാമർശിക്കേണ്ട ഒരു കാര്യം സയണിസത്തിന്റെ അജണ്ട ഫലസ്തീൻ കൊണ്ടും അവസാനിക്കുന്നതല്ല എന്നതാണ്.അവരുടെ സ്വപ്നവും പദ്ധതിയും 'ഗ്രേറ്റർ ഇസ്രായേൽ'ആണ്. അവരുടെ വിശ്വാസപ്രകാരം എബ്രഹാം (ഇബ്രാഹിം നബി) ഭൂമിയിലൂടെ സഞ്ചരിച്ച മുഴുവൻ സ്ഥലങ്ങളും  ദൈവമായ യഹോവ  ജൂതർക്ക് നൽകിയിട്ടുണ്ട് എന്നതാണ്.ലോകഭൂപടത്തിൽ  ഈ പ്രദേശങ്ങളെയൊക്കെയും അടയാളപ്പെടുത്തുന്ന പാമ്പ് ചുറ്റിയ നിലയിലുള്ള വൃത്തത്തിന് 'Zionist Snake' എന്നാണ് പറയപ്പെടുന്നത്. അങ്ങനെ വരുമ്പോൾ സയണിസ്റ്റ് സങ്കല്പത്തിൽ മുഴുവൻ ഫലസ്തീൻ മാത്രമല്ല  ഇന്നത്തെ മക്കയും മദീനയും ഉൾക്കൊള്ളുന്ന ഹിജാസും, മുഴുവൻ സിറിയയും ലബനാനും ഈജിപ്തിലെ കൈറോയുമെല്ലാം ജൂതന് അവകാശപ്പെട്ടതാണ്. അതിനാൽ തന്നെ ഈ പ്രദേശങ്ങളിൽ നിന്നെല്ലാം അറബികളെ ഉന്മൂലനം ചെയ്തുകൊണ്ട് ജൂതരെ കുടിയിരുത്തുക എന്നതാണ് സയണിസത്തിന്റെ ആത്യന്തികവും കുടിലവുമായ ലക്ഷ്യം. ഈയൊരു ചതി മനസ്സിലാക്കാൻ അറബ് രാജ്യങ്ങൾക്കോ ഈജിപ്തിനോ ഇതുവരെ  കഴിഞ്ഞിട്ടില്ല എന്നത് തീർത്തും  ദൗർഭാഗ്യകരമാണ്. തങ്ങളുടെ സ്വാർത്ഥ ലാഭങ്ങൾക്ക് വേണ്ടി  ഇസ്രായേലിന്റെ ചെയ്തികൾക്കെതിരെ പലപ്പോഴും കുറ്റകരമായ മൗനം ദീക്ഷിക്കുകയാണ് അറബ് രാജ്യങ്ങൾ ചെയ്തത്. പ്രതിഷേധങ്ങളാകട്ടെ കേവലം വാക്കുകളിലും 'സമാധാന സന്ദേശത്തി'ലും ഒതുങ്ങി.ഈജിപ്താകട്ടെ, അമേരിക്ക കഴിഞ്ഞാൽ ഇസ്രായേലിന്റെ ഏറ്റവും പ്രിയപ്പെട്ട  സുഹൃത്തുക്കളായിരുന്നു അവിടുത്തെ പല ഭരണാധികാരികളും.മാറിയ സാഹചര്യത്തിലും അമേരിക്കയുമായും ഇസ്രായേലുമായും പുതിയ ആയുധക്കരാറുകൾ ഒപ്പിടാൻ മത്സരിക്കുന്ന അറബ് രാജ്യങ്ങളും ഈജിപ്തിലെ 'രണ്ടാം ഹുസ്നി മുബാറക്ക്' ആകാൻ ഒരുങ്ങുന്ന ഫത്താഹ് അൽ സീസിയുമെല്ലാം സ്വന്തം കുഴി തന്നെയാണ് തോണ്ടുന്നത് എന്നതിൽ യാതൊരു സംശയവുമില്ല. ഇനിയും ബോധോധയമുണ്ടായില്ലങ്കിൽ 'ക്ഷണിച്ചുവരുത്തിയ വിപത്ത്' വൈകാതെതന്നെ  അവരെയും പിടികൂടും...

3.ബാൽഫർ പ്രഖ്യാപനം; ബ്രിട്ടന്റെ കുബുദ്ധി

ഒന്നാം ലോകമഹായുദ്ധ സമയത്ത് ഫലസ്തീൻ ജനതയുടെ 90 ശതമാനവും അറബികളായിരുന്നു. എന്നാൽ യുദ്ധത്തിൽ ജൂത ലോബിയുടെ പണവും പിന്തുണയും ഉറപ്പാക്കുന്നതിന് ബ്രിട്ടനടക്കമുള്ള സാമ്രാജ്യത്വശക്തികൾ ജൂത കുടിയേറ്റത്തെ പ്രോത്സാഹിപ്പിച്ചു.1917 ൽ അന്നത്തെ ബ്രിട്ടീഷ് വിദേശകാര്യ മന്ത്രി  ജെയിംസ് ബാൽഫർ(ക്രിസ്ത്യൻ സയണിസ്റ്റ്) 'Balfer Decleration' (ബാൽഫർ പ്രഖ്യാപനം) നടത്തി. ഫലസ്തീൻറെ മണ്ണിൽ ജൂതരാഷ്ട്രം സ്ഥാപിക്കാനുള്ള സയണിസ്റ്റുകളുടെ ആഗ്രഹത്തെ ബ്രിട്ടൻ അംഗീകരിക്കുന്നു എന്നായിരുന്നു ബാൽഫർ അന്നത്തെ സയണിസ്റ്റ് നേതാവായ വാൽട്ടർ റോത്‍സ് ചയിൽഡിന് അയച്ച കത്തിൽ വ്യക്തമാക്കിയിരുന്നത്.ഒരാളുടെ(അറബികളുടെ)ഭൂമി മറ്റൊരാൾക്ക് (ജൂതർക്ക്) മൂന്നാമതൊരാൾ(ബ്രിട്ടൻ) നൽകുന്ന  ലോകചരിത്രത്തിലെ തന്നെ ഏറ്റവും വിരോധാഭാസവും വിചിത്രവുമായ നീക്കമായിരുന്നു അത്.യുദ്ധം അവസാനിച്ചപ്പോൾ   ഉസ്മാനിയ ഖിലാഫത്ത് തകരുകയും യുദ്ധത്തിൽ വിജയിച്ച ബ്രിട്ടന്റെ കോളനിയായി ഫലസ്തീൻ മാറുകയും ചെയ്തു.

4.അധിനിവേശവും ഇസ്രായേൽ രൂപീകരണവും

ബാൽഫർ പ്രഖ്യാപനത്തോടെ  ഫലസ്തീനിലേക്കുള്ള ജൂതകുടിയേറ്റം വലിയ തോതിൽ വർദ്ധിച്ചു.1929 മുതൽ 39 വരെയുള്ള അഞ്ചാം ആലിയ (സംഘടിത കുടിയേറ്റം) ക്കാലത്ത് രണ്ടര ലക്ഷം ജൂതന്മാർ ഫലസ്തീനിലേക്ക് കുടിയേറി.തുടർന്ന് ജർമ്മനിയിൽ ജൂതർക്കെതിരെ ഹിറ്റ്ലർ നടത്തിയ കൂട്ടക്കുരുതികൾ   ജൂതർക്ക് സ്വന്തമായൊരു രാഷ്ട്രം വേണമെന്ന ആവശ്യത്തിന് ശക്തികൂട്ടി. ഈ സമയത്ത് തന്നെ ജർമ്മനിയിൽ നിന്നും മറ്റു യൂറോപ്യൻ രാജ്യങ്ങളിൽ നിന്നും ഫലസ്തീനിലേക്ക്  കുടിയേറിയ ജൂതർ ഫലസ്തീൻ ഭൂമി കൈക്കലാക്കാൻ തുടങ്ങിയിരുന്നു.രണ്ടാം ലോകമഹായുദ്ധത്തിനുശേഷം അഭയാർത്ഥി പ്രവാഹം രൂക്ഷമായി. ഇതിനെതുടർന്ന് ഫലസ്തീനിലെ അറബ് സമൂഹവും ജൂതരും തമ്മിൽ നിരന്തരം സംഘർഷങ്ങളും അരങ്ങേറി.ഇതോടെ വിഷയം യുഎൻ പൊതുസഭ ചർച്ചചെയ്തു.1947 നവുംബർ 29 ന് ചേർന്ന യു.എൻ ജനറൽ അസംബ്ലി പലസ്തീൻ ജൂതർക്കും അറബികൾക്കുമായി വിഭജിക്കുവാൻ തീരുമാനിച്ചു.ബ്രിട്ടനും അമേരിക്കയുമൊക്കെ ചേർന്നെടുത്ത ഈ തീരുമാനത്തെ അറബ് ലീഗ് രാജ്യങ്ങൾ എതിർത്തെങ്കിലും ഫലമുണ്ടായില്ല.അങ്ങനെ 1948 മെയ് 14-ന് അർദ്ധരാത്രി കൊടിയ വഞ്ചനയിലൂടെ ഇസ്രയേൽ എന്ന പുതിയ രാജ്യം പിറവികൊണ്ടു. ഇന്ത്യ-പാക്ക് വിഭജനത്തിന് ശേഷം സാമ്രാജ്യത്വം ലോകത്തിനു സമ്മാനിച്ച മറ്റൊരു ദുരന്തമായിരുന്നു ഫലസ്തീൻ വിഭജനം. ഏഴര ലക്ഷത്തോളം ജനങ്ങളാണ് വിഭജനത്തെ തുടർന്ന് സ്വന്തം വീടും നാടും വിട്ട് അഭയാർത്ഥികളായിതീർന്നത്.

5.നീതി നിഷേധത്തിന്റെ ഏഴു പതിറ്റാണ്ട്

കൊടുംവഞ്ചനയിലൂടെ രൂപീകരിക്കപ്പെട്ട ഇസ്രായേൽ അതിലും വലിയ ചതിയാണ് രൂപീകരണ ശേഷം ഫലസ്തീനികളോട് ചെയ്തത്. ഇസ്രായേൽ, ഫലസ്തീൻ എന്നീ രണ്ട് രാഷ്ട്രങ്ങൾ രൂപീകരിക്കാനായിരുന്നല്ലോ യുഎൻ പൊതുസഭ ആവശ്യപ്പെട്ടത്. ഇതനുസരിച്ച് ഇസ്രായേലിനോടൊപ്പം തന്നെ വെസ്റ്റ്ബാങ്കും ഗസ്സയും ചേർന്ന്  ഫലസ്തീൻ രാഷ്ട്രവും രൂപീകൃതമാകേണ്ടതാണ്. എന്നാൽ ഇസ്രായേൽ രൂപീകരിക്കപ്പെട്ട് ഏഴ് പതിറ്റാണ്ട് കഴിഞ്ഞിട്ടും ഇന്നും സ്വതന്ത്ര ഫലസ്തീൻ രാഷ്ട്രം രൂപീകരിക്കപ്പെട്ടില്ല. മാത്രമല്ല 1948 ലെയും 1967 ലെയും അറബ് യുദ്ധങ്ങളിലൂടെയും തുടർന്നും  അനധികൃതമായി ഫലസ്റ്റീൻ ഭൂമി കൈയേറി ഇസ്രായേൽ തങ്ങളുടെ അതിനിവേശ പ്രദേശത്തിന്റെ വ്യാപ്തി വർധിപ്പിക്കുകയും ചെയ്തു.ഇപ്പോഴുമതു തുടർന്നുകൊണ്ടിരിക്കുന്നു. മാത്രമല്ല ജീവിക്കാനുള്ള പലസ്തീനികളുടെ അവകാശത്തെ വരെ ചോദ്യം ചെയ്തുകൊണ്ട് വളരെ ക്രൂരമായ ആക്രമണങ്ങളാണ് ഇസ്രായേൽ പട്ടാളം വർഷങ്ങളായി നടത്തിക്കൊണ്ടിരിക്കുന്നത്.1987 മുതൽ  ഗസയിലെയും ഇസ്രായിലെയും ജൂത ഇടപെടലിനെതിരെ ഫലസ്തീൻ ജനത 'ഇൻതിഫാദ' എന്നപേരിൽ ജനകീയ മുന്നേറ്റം ആരംഭിച്ചു.ഇതിനെയൊക്കെ വളരെ ക്രൂരമായാണ് ഇസ്രയേൽ പട്ടാളം അടിച്ചമർത്തിയത്. 1987 മുതൽ 93 വരെ നീണ്ടുനിന്ന ഒന്നാം ഇൻതിഫാദക്കാലത്ത് രണ്ടായിരത്തിലേറെ ഫലസ്തീനികളാണ് കൊലചെയ്യപ്പെട്ടത്.

ഇസ്രായേലിന്റെ വഞ്ചന പരമ്പരയിലെ മറ്റൊരു ക്രൂര അധ്യായമാണ് 1993 ലെ ഓസ്ലോ കരാർ.ഒന്നാം ഇൻതിഫാദക്ക് അന്ത്യം കുറിച്ചുകൊണ്ട് യു എസിന്റെ മധ്യസ്ഥതയിൽ നോർവേയിലെ ഓസ്ലോയിൽ വച്ച് ഇസ്രായേൽ പ്രധാനമന്ത്രി യിശാഖ് റബീനും പലസ്തീൻ ലിബറേഷൻ അതോറിറ്റിയുടെ നേതാവ് യാസർ അറഫാത്തും തമ്മിൽ ഒപ്പിട്ട ഈ കരാറനുസരിച്ച് അടുത്ത അഞ്ചു വർഷത്തിനുള്ളിൽ 1967-ലെ യുദ്ധത്തിൽ ഇസ്രയേൽ കൈയേറിയ പ്രദേശങ്ങളിൽ  നിന്ന്‌ പിന്മാറി ഗാസയും വെസ്റ്റ് ബാങ്കും ചേർത്ത് സ്വയംഭരണ സർക്കാരുണ്ടാക്കാൻ പലസ്തീന് അനുമതി നൽകുമെന്ന് ഉറപ്പുനൽകിയിരുന്നു. എന്നാൽ ഇസ്രായേൽ വീണ്ടും തങ്ങളുടെ തനിനിറം വീണ്ടും കാട്ടി.27 വർഷങ്ങൾ കഴിഞ്ഞിട്ടും  കരാർ വ്യവസ്ഥകൾ പാലിക്കാൻ ഇസ്രായേൽ തയ്യാറായില്ല എന്ന് മാത്രമല്ല 'Wailing wall' ( ടൈറ്റസ് തകർത്ത Solaman's Temple ന്റെ അവശിഷ്ടം) ഉയർത്തിക്കാട്ടി, ഫലസ്തീനികൾ തങ്ങളുടെ  പലസ്തീൻ രാജ്യത്തിന്റെ തലസ്ഥാനമായി കണക്കാക്കുന്ന മസ്ജിദുൽ അഖ്സ ഉൾക്കൊള്ളുന്ന  'കിഴക്കൻ ജറുസലേമിനു' നേരെ വരെ അവകാശം ഉന്നയിക്കുന്നതാണ് ലോകം കണ്ടത് !. 2000 ത്തിൽ Wailing Wall ഉൾകൊള്ളുന്ന 'Temple Mount'  തീവ്ര സയണിസ്റ്റ് ആയ അന്നത്തെ ഇസ്രായേൽ പ്രധാനമന്ത്രി ഏരിയൽ ഷാരോൺ സന്ദർശിച്ചതിനെതുടർന്നാരംഭിച്ച രണ്ടാം ഇന്തിഫാദ ആറായിരത്തോളം പലസ്തീനികളുടെ ജീവൻ അപഹരിക്കുകയും ചെയ്തു.ഓസ്ലോ കരാറിന്റെ ഭാഗമായി 1993 ലെ സമാധാനത്തിനുള്ള നോബൽ സമ്മാനം  യിഷാക് റബീനും യാസർ അറഫാത്തിനുമായിരുന്നു ലഭിച്ചിരുന്നത് എന്നും നാം ഇതിനോട് ചേർത്ത് വായിക്കേണ്ടതാണ്.

ഇസ്രായേൽ രാഷ്ട്രം രൂപീകരിക്കപ്പെട്ടപ്പോൾ അഭയാർഥികളായിതീർന്ന ഫലസ്തീനികൾ എന്നെങ്കിലുമൊരിക്കൽ തങ്ങൾക്ക് തങ്ങളുടെ ജന്മ ഭൂമിയിലേക്ക് മടങ്ങി പോകാം എന്ന് ആശിച്ചിരുന്നു.എന്നാലിന്ന് തങ്ങൾക്ക്  ഐക്യരാഷ്ട്രസഭ  അനുവദിച്ചു തന്ന സ്ഥലത്ത് തന്നെ  സ്വതന്ത്രമായൊരു  രാഷ്ട്രത്തിനായി കാത്തിരിക്കുകയാണവർ. അതിനായവർ അന്താരാഷ്ട്ര സമൂഹത്തിന്റെ അവഗണനകൾക്കിടയിലും  തങ്ങളോടാവും വിധം പോരാടുന്നു.പടക്കം പൊട്ടും പോലെ ബോംബുകളും മിസൈലുകളും പൊട്ടുന്ന നാട്ടിൽ  കവണയും കല്ലുമായി ഫലസ്തീനിലെ പിഞ്ചുകുഞ്ഞുങ്ങൾ വരെ നടത്തുന്ന പോരാട്ടം  ലോകത്തെ നൊമ്പരക്കാഴ്ചയാണ്.ഒരു കാര്യം ഉറപ്പാണ് ചരിത്രം അവരോട് നീതി കാണിക്കുക തന്നെ ചെയ്യും.ഫലസ്തീൻമക്കൾ ചിരിച്ചല്ലാതെ, അവരോട് ചെയ്തതിനെല്ലാം ജൂത സയണിസ്റ്റുകൾ കണക്കു പറയാതെ ലോകം അവസാനിക്കുകയില്ല... തീർച്ച.

  ✍️  സല്‍മാന്‍ വി.ടി വേങ്ങര

قال وكيع (ر) زكوة الفطر لشهر رمضان كسجدة السهو لصلاة تجبر نقص الصوم كما يجبر السجود نقص الصلوة(فتح المعين)

             (നിസ്‌കാരത്തില്‍ വരുന്ന ന്യൂനതകള്‍ക്ക് സഹ്വിന്റെ സുജൂദ് പരിഹാരമാകുന്നത് പോലെ റമദാന്‍ നോമ്പില്‍ സംഭവിക്കുന്ന ന്യൂനതകള്‍ക്ക് പരിഹാരമാണ് ഫിത്വ്ര്‍ സകാത്ത്.)

? ആര്‍ക്കാണ് സകാത്ത് നിര്‍ബന്ധം

                തന്റെയും തന്റെ ആശ്രിതരുടെയും അതവാ ഭാര്യ, മക്കള്‍, ഇവരുടെ ഭക്ഷണവും വസ്ത്രവും പാര്‍പ്പിടവും കഴിച്ച് സമ്പത്തു മിച്ചമുള്ളവര്‍ സകാത്ത് നല്‍കണം. പാവപെട്ടവര്‍ക്ക് ധാരാളം സ്വദഖയും മറ്റു ആനുകൂല്യങ്ങളും  ലഭിച്ചവരാണ് എങ്കില്‍ അവര്‍ക്കും ഈ ഘട്ടത്തില്‍ സകാത്ത് കൊടുക്കല്‍ നിര്‍ബന്ധമാണ്. ഇത് തന്നെ പെരുന്നാളിന്റെ പകലും അന്നത്തെ രാത്രിയും ഉള്ള ചിലവുകളാണ് ആണ് പരിഗണിക്കുക

 ? എപ്പോഴാണ് സകാത്ത് നല്‍കേണ്ടത്

             നോമ്പ് അവസാനിച്ച ആ രാത്രി മുതല്‍ കെടുക്കാം. പെരുന്നാള്‍ നിസ്‌കാരത്തിന്റെ മുമ്പായി കൊടുക്കലാണ് ഏറ്റവും നല്ല സമയം. കാരണം കൂടാതെ  നിസ്‌കാരത്തിന് ശേഷം കൊടുക്കല്‍ കറാഹത്താണ്. അന്ന് സൂര്യന്‍ അസ്തമിക്കുന്നതിന്റെ മുമ്പ് എന്തായാലും കൊടുക്കണം. അതിനുശേഷം കൊടുക്കല്‍ ഹറാമാണ്. എങ്കിലും അതിനെ വീട്ടല്‍ നിര്‍ബന്ധമാണ്

? ആര്‍ക്കാണ് കൊടുക്കേണ്ടത്

(۞ إِنَّمَا ٱلصَّدَقَـٰتُ لِلۡفُقَرَاۤءِ وَٱلۡمَسَـٰكِینِ وَٱلۡعَـٰمِلِینَ عَلَیۡهَا وَٱلۡمُؤَلَّفَةِ قُلُوبُهُمۡ وَفِی ٱلرِّقَابِ وَٱلۡغَـٰرِمِینَ وَفِی سَبِیلِ ٱللَّهِ وَٱبۡنِ ٱلسَّبِیلِۖ فَرِیضَةࣰ مِّنَ ٱللَّهِۗ وَٱللَّهُ عَلِیمٌ حَكِیمࣱ)

               ഫഖീര്‍, മിസ്‌കീന്‍, നവമുസ്ലിംകള്‍, കട ബാധ്യതയുള്ളവര്‍, മോചന പത്രം എഴുതപ്പെട്ട അടിമ, ഹലാലായ യാത്ര ചെയ്യുന്നവര്‍ , സകാത്ത് സംബന്ധമായ ജോലിക്കാര്‍, അല്ലാഹുവിന്റെ മാര്‍ഗത്തില്‍ യുദ്ധംചെയ്യുന്നവര്‍  എന്നിവരാണ് സകാത്തിന്റെ അവകാശികള്‍.

? എവിടെയാണ് നല്‍കേണ്ടത്

               സക്കാത്ത് നിര്‍ബന്ധമാകുന്ന സമയത്ത് എവിടെ യാണോ നാം ഉള്ളത്  ആ നാട്ടില്‍ കെടുക്കണം . ഇനി ഒരാള്‍ സക്കാത്ത്  നിര്‍ബന്ധമാവുന്ന സമയത്ത് പാലക്കാട് ആണങ്കില്‍ അവിടെയാണ് കൊടുക്കേണ്ടത്

 ? എത്രയാണ് നല്‍കേണ്ടത്

                 ഒരാള്‍ക്ക് 1 സ്വാഹ് നല്‍കണം. അതവാ 4 മുദ്ദ്  .1 മുദ്ദ് എന്ന് പറഞ്ഞാല്‍800 ലിറ്ററാണ്. ഇത് അളവാണ് ഇതിനെ ലിറ്ററിലേക്ക് നോക്കിയാല്‍ 300 ലിറ്ററും 200 മില്ലി ലിറ്ററും വേണം. ഇതിനെ കിലോ ആയി കൃത്യമായി കണക്കാക്കാന്‍ സാധിക്കുകയില്ല. ചില ആളുകള്‍ പറയും 2.500 kg 2.700kg ,2.800 kg വാസ്തവത്തില്‍ ഇതെല്ലാം ശരിയാണ്  ഈ അളവില്‍ വ്യത്യാസം വന്നത്  അരിയുടെ വലിപ്പത്തിലും തൂക്കത്തിലും ആണ്. അതിനാല്‍ സൂക്ഷ്മത പാലിച്ച് 3 kg കെടുകലാണ് ഉത്തമം

? എന്ത് വസ്തുവാണ് നല്‍കേണ്ടത്

                നാട്ടിലെ മുഖ്യാഹാരമായ ധാന്യമാണ് നല്‍കേണ്ടത്.  വിവിധ തരം ധാന്യങ്ങള്‍ ഉണ്ടെങ്കിലും മുന്തിയത് കൊടുക്കലാണ് നല്ലത് .ധാന്യത്തിന് പകരം അതിന്റെ വിലയോ പൊടിച്ച പൊടിയോ വേവിച്ചതോ കൊടുക്കാവുന്നതല്ല. ധാന്യമായിത്തന്നെ നല്‍കണം. (തുഹ്ഫ 3/324)

പൊതുവായ ചോദ്യവും ഉത്തരം 

1 നീയ്യത്തിന്റെ രൂപം ഒന്ന് വിശദീകരിക്കുമോ ?

 Ans :സക്കാത്ത് വിതരണത്തിന് രണ്ട് നിബന്ധനകളുണ്ട്. ഒന്ന് നിയ്യത്ത്.''ഇത് എന്റെ ഫിത്വര്‍ സക്കാത്ത് ആകുന്നു'' ''നിര്‍ബന്ധമായ സക്കാത്താകുന്നു.'' എന്നെല്ലാം നിയ്യത്ത് ചെയ്യാവുന്നതാണ്. അവകാശികള്‍ക്ക് നല്‍കുന്ന സമയത്തോ, സകാത്ത് നല്‍കാനുള്ള വിഹിതം മാറ്റിവെക്കുന്ന സമയത്തോ മാറ്റിവെച്ചതിന് ശേഷം അവകാശികള്‍ക്ക് നല്‍കുന്നതിന് മുമ്പോ നിയ്യത്ത് ചെയ്താല്‍ മതിയാകുന്നതാണ്.

2 സക്കാത്ത്  അവകാശികളില്‍ ഒരാള്‍ക്ക് മാത്രം  മുഴുവനും നല്‍കാന്‍ പറ്റുമോ ?

Ans : അനുവദനീയമാണ്

3 സകാത്ത് കെടുകാന്‍ വക്കാലത്ത് ഏല്‍പ്പിക്കാന്‍ പറ്റുമോ.?

Ans :നിയ്യത്ത് ഏല്‍പ്പിക്കപ്പെടുന്നയാല്‍ ബുദ്ധിയും പ്രായപൂര്‍ത്തിയു ഉള്ളവനും മുസ്ലിമുമായിരിക്കണമെന്ന നിബന്ധനയുണ്ട്. സകാത്തിനെ കൊടുക്കാന്‍  വേറൊരാളെ  ഏല്‍പ്പിച്ചത് കൊണ്ട്  വീടുകയില്ല കിട്ടി എന്ന് ഉറപ്പുവരുത്തണം. സക്കാത്തിന്റെ അവകാശികള്‍ക്  നേരിട്ട് കൊടുക്കലാണ് ഉത്തമം

4 സ്ത്രീയുടെ സക്കാത്ത് ആരുടെ മേലില്‍ ആണ് നിര്‍ബന്ധം ?

Ans : ഭാര്യയുടെ ഫിത്വര്‍ സക്കാത്ത് നിര്‍ബന്ധമാകുന്നത് ഭര്‍ത്താവിനാണ്. ഭര്‍തതാവിന് സാമ്പത്തിക ശേഷിയില്ലെങ്കില്‍ -ഭാര്യക്ക് സാമ്പത്തിക ശേഷിയുണ്ടെങ്കില്‍ പോലും- ഭാര്യ നല്‍കല്‍ നിര്‍ബന്ധമില്ല. സുന്നത്ത് ഉണ്ട്

5 കടം ഉള്ളവന്‍ സകാത്ത് നല്‍കണോ ?

Ans : സകാത്ത് നല്‍കേണ്ടതില്ല . മിച്ചമുള്ള വസ്തുവില്‍ നിന്ന് കടം വീട്ടിയാല്‍ തികയാത്തവര്‍ക്കാണ് സകാത്ത് നല്‍കേണ്ടതില്ലാത്തത് . ഇനി കടം വീട്ടിയാലും പണം ബാക്കിയുണ്ടെങ്കില്‍ ഉള്ളത് കൊണ്ട് സകാത്ത് കെടുക്കണം

6 നമ്മുടെ സക്കാത്ത് അത് നാട്ടില്‍ കൊടുക്കണമെന്ന് പറഞ്ഞു. ഇവിടെ  നാട് എന്നത് കൊണ്ട് ഉദ്ദേശം എന്ത് ?

Ans :ഇവിടെ നാട് എന്നതിന്റെ വിവക്ഷ സാധാരണ ഗതിയില്‍ ഒരു നാടായി എണ്ണപ്പെടുന്ന പ്രദേശം എന്നാണ്. അതുപോലെ  ഒരു യാത്രക്ക് ഇറങ്ങിയാല്‍ ജം ഉം ഖസ്വറും  ആക്കി നിസ്‌കരിക്കാന്‍  പറ്റിയ സ്ഥലം വരെയാണ്

7 റമളാന്‍ ഒന്നു മുതല്‍ കെടുക്കാന്‍ പറ്റുമോ ?

Ans : പറ്റും !എന്നാല്‍ ചില   മാനദണ്ഡങ്ങളുണ്ട്. അതായത്  ശവ്വാല്‍ മാസത്തിലെ ആദ്യ നിമിഷത്തില്‍ വാങ്ങിയവന്‍ വാങ്ങാനും  നല്‍കിയവന്‍ നല്‍കാനും അര്‍ഹരായിരിക്കണം എന്നനിബന്ധനയുണ്ട്. റമദാന്‍ മാസത്തില്‍ ഫിത്തര്‍സക്കാത്ത് വാങ്ങിയവന്‍ ശവ്വാല്‍ മാസം ആകുമ്പോഴേക്ക് മരിക്കുകയോ മുര്‍ത്തദ്ദാവുകയോ ചെയ്താല്‍ സക്കാത്ത് ബാതിലാകുന്നതാണ്. അതുപോലെ  സക്കാത്തായി ലഭിച്ച സ്വത്ത് കൊണ്ടല്ലാതെ ധനികന്‍ ആവുകയും ചെയ്താല്‍ നേരത്തെ പറഞ്ഞതുപോലെ സക്കാത്ത് ബാക്കിയാകും

✍️ സൽമാൻ വേങ്ങര

              അല്ലാഹു വിശ്വാസികൾക്ക് നൽകിയ പുണ്യറമളാനിലെ പ്രത്യേക ഇബാദത്തുകളിലൊന്നാണ് തറാവീഹ് നിസ്കാരം. ഇശാഇനു ശേഷം  സുബഹിക്കു മുമ്പായാണ് ഇതിൻറെ സമയം. 

               ഇരുപത് റക്ക്അത്ത് എന്ന് പണ്ഡിത ലോകം വളരെ കൃത്യമായി നമ്മെ പഠിപ്പിച്ച ഈ നിസ്കാരത്തിന്റെ എണ്ണത്തിൽ ഇപ്പോൾ ചിലർ തെറ്റായ വിവരങ്ങൾ സമൂഹത്തിനു നൽകുമ്പോൾ അതിനെ തിരുത്തുകയാണിവിടെ. നാഥൻ തുണക്കട്ടെ.തറാവീഹ്

              നിസ്കാരത്തിന്റെ അനുവദനീയതയും  പ്രതിഫലവും  വ്യക്തമാക്കുന്ന  ധാരാളം നബിവചനങ്ങളുണ്ട്. നബി(സ)പറയുന്നു: സത്യവിശ്വാസം ഉൾക്കൊണ്ടും  പ്രതിഫലം ആഗ്രഹിച്ചും  ഒരാൾ റമളാനിൽ നിസ്കരിച്ചാൽ  അവന്റെ കഴിഞ്ഞുപോയ  ദോഷങ്ങൾ പൊറുക്കപ്പെടും.

              മറ്റൊരിക്കൽ  ഒരു പ്രസംഗം നടത്തവേ നബി തങ്ങൾ പറഞ്ഞു: ജനങ്ങളെ.. അനുഗ്രഹീതവും  മഹനീയവുമായ ഒരു മാസം നിങ്ങളിലേക്ക് കടന്നുവരുന്നുണ്ട് .ആ മാസത്തിൽ രാത്രി നിസ്കരിക്കുന്നത് അള്ളാഹു നിങ്ങൾക്ക് സുന്നത്ത് ആക്കിയിട്ടുണ്ട്.തറാവീഹ് കേവലമൊരു ആചാരമല്ല. മഹത്തായ ആരാധന, വലിയ ജിഹാദ്, പാപമോചനം, വിശ്വാസ പൂര്‍ത്തീകരണം, ഇജ്മാഇനെ അംഗീകരിക്കല്‍ തുടങ്ങി നിരവധി അര്‍ത്ഥതലങ്ങള്‍ ഉള്‍ക്കൊള്ളുന്ന അമൂല്യനിധിയാണ് . റമളാൻ 30 ദിവസവും ഈ മഹത്തായ ആരാധനയിൽ പങ്കെടുക്കാൻ തൗഫീഖ് ലഭിച്ചവർ ഭാഗ്യവാന്മാരാണ്.

                    സുന്നികൾക്കും മുജാഹിദീങ്ങൾക്കും ഇടയിലുള്ള ഒരു നിസ്കാരത്തെ കുറിച്ചാണ്  മുകളിൽ പരാമർശിച്ചത്. ഈ നിസ്കാരത്തിന്റെ റക്കഅത്തുകളുടെ എണ്ണത്തിൽ 20 ആണോ 11 ആണോ എന്ന തർക്കം നിലനിൽക്കുന്നുണ്ട് . മുജാഹിദുകൾ വാദിക്കുന്ന 11 റക്അ ത്തിൻ്റെ നിധാനം നബി തങ്ങൾ 11 നിസ്കരിച്ചു എന്നതാണ്. നബി തങ്ങൾ ചെയ്തതേ ഞങ്ങൾ ചെയ്യൂ എന്ന മുദ്രാവാക്യത്തിൽ  മുദ്രകുത്തി ഇരിക്കുകയാണവർ .  ഇവരോട് ഒരു മറുചോദ്യം ഉണ്ട്  നബിതങ്ങൾ മൂന്ന് തവണയാണ് പള്ളിയിൽ വെച്ച് നിസ്കരിച്ചത് എന്നാൽ  നിങ്ങൾ നബിയുടെ ഈ പ്രവർത്തനത്തെ റമളാനിലെ മൂന്ന് ദിവസം  പള്ളിയിൽ നിസ്കരിച്ച് ബാക്കി വീട്ടിൽ നിസ്കരിച്ചോളൂ.... എന്ന് നിങ്ങൾ വിശ്വാസി കളോട് ആഹ്വാനം ചെയ്യുമോ.? ഇവിടെ നബി തങ്ങൾ വേണ്ടയോ.? മറുപടി പറയാൻ മുജാഹിദ് സഹോദരങ്ങൾ അവൾ ബാധ്യസ്ഥരാണ്

         നബി തങ്ങൾ പതിനൊന്ന് നിസ്കരിച്ചു എന്ന ഹദീസ് പരിശോധിക്കാം

وروي ابن خزيمة وحبان عن جابر (ر) قال صلى بنا رسول الله صلى الله عليه وسلم في رمضان ثماني ركعات ثم أوتر فلما كانت القابلة اجتمعنا في المسجد ورجونا أن تخرج إلينا حتى أصبحنا(صحيح ابن خزيمة 1070)(صحيح ابن حبان 2409)

              ഇതിനെ ഇബ്നു ഹിബാൻ എന്നവരും, ഇബ്നു ഖുസൈമ എന്നവരും    സ്വഹീഹാക്കിയിട്ടുണ്ട് . ഇവരെ തള്ളി പുറത്താക്കാൻ  നമ്മൾക്ക് സാധ്യമല്ല  പക്ഷേ ഈ ഹദീസിൻ്റെ മാനദണ്ഡത്തിൽ  റകഅത്തിൻ്റെ എണ്ണത്തിൽ തെളിവ് പിടിക്കാൻ കഴിയുകയില്ല. കാരണം ഇതിൻ്റെ ആശയത്തിൽ അവ്യക്തതയുണ്ട്. ഇതിൻ്റെ അർത്ഥം ഒന്ന് ശ്രദ്ധിക്കുക" ഞങ്ങൾ നബി തങ്ങളുടെ കൂടെ എട്ട് റകഅത്ത് നിസ്കരിചു പിന്നെ വിത്റും നിസ്കരിച്ചു . അടുത്ത ദിവസം ആയപ്പോൾ അവിടത്തെ  വരവിനെ പ്രതീക്ഷിച്ച് സുബഹി വരെ  ഞങ്ങൾ പള്ളിയിൽ കാത്തിരുന്നു.

            ഈ ഹദീസ് ഒന്ന് പരിശേധിക്കുക

عن عائشة (ر) أن رسول الله صلى الله عليه وسلم خرج في جوف الليل فصلى في المسجد فصلى رجال بصلاته فأصبح الناس فيحدثون بذلك فاجتمع أكثر منهم.فخرج رسول الله صلى  الله عليه وسلم في الليلة الثانية فصلوا بصلاته فأصبح الناس يذكرون ذالك فكثر أهل  المسجد من الليلة الثالثة فخرج صلوا بصلاته.فلما كانت الليلة الرابعة عجز المسجد عن أهله فلم يخرج إليهم رسول صلى الله عليه وسلم فطفق رجال منهم يقولون.الصلاة فلم يخرج اليهم رسول صلى الله عليه وسلم حتى خرخ الصلاة الفجر فلما قضى الفجر أقبل على الناس،ثم تشهد فقال.أما بعد فإنه لم يخف على شأنكم الليلة ولكني خشيت أن تفرض عليكم صلاة الليل(إمام مسلم في الصحيح)

                ഈ ഹദീസിൽ നിന്ന് ക നബി തങ്ങൾ പള്ളിയിൽ വെച്ച് മൂന്ന് ദിവസം തറാവീഹ് നിസ്ക്കരിച്ചു എന്ന് കിട്ടി . മുകളിൽ പരാമർശിച്ച രണ്ട് ഹദീസുകളും കൂട്ടി വായിക്കുബോൾ  ഒന്നാമത്തെ ഹദീസ് ഒരു ഇഹ്ത്തി മാലിന് സാധ്യതയുണ്ട്. എന്താണെന്ന് വെച്ചാൽ ജാബിർ തങ്ങൾ നിസ്കരിച്ചത് ഒരു രാത്രി ആവാൻ സാധ്യതയുണ്ട്. അതിനാൽ മറ്റു രണ്ട് ദിവസം ജാബിർ തങ്ങൾ നബി തങ്ങൾ നിസ്കരിച്ചത് കണ്ടിട്ടില്ല. അല്ലെങ്കിൽ നബി തങ്ങൾ പന്ത്രണ്ട് റകഅത്ത് നിസ്കരിച്ചു ഇതിനുശേഷം ജാബിർ തങ്ങൾ തുടങ്ങാനും സാധ്യത ഉണ്ട്. ഇതുപോലെയുള്ള പ്രസക്തമായ ഇഹ്ത്തി മാൽ ഉള്ളതിനാൽ തറാവിയുടെ റകഅത്തിൽ തെളിവ് പിടിക്കാൻ കഴിയുകയില്ല.

                 ഒരു പൊതു നിയമം ഉണ്ട് استدلال ൻ്റെ മഖാമിൽ ഇഹ്ത്തിമാൽ  വന്നാൽ ആ ദലീൽ തെളിവിന് പറ്റൂല

🛑തറാവീഹ് 8 റക്അത്ത് അല്ല എന്ന്  ഭാഷാപരമായി തെളിയിക്കുന്നു🛑

                സുന്നികളും മുജാഹിദുകളും  ജമാഅത്തായി പള്ളിയിൽ വെച്ച് നിസ്കരിക്കുന്ന നിസ്കാരമാണ് തറാവീഹ് എന്ന്  പേരിൽ  അറിയപ്പെടുന്നത്

ترويحة എന്ന് പറഞ്ഞാൽ تراويح എന്നതിൻ്റെ ബഹുവജനം ആണ് ഒരു  ترويحة എന്ന് പറഞ്ഞാൽ  നാല് റകഅത്തും രണ്ട് സലാമും ആണ്. ഇത് വെറുതെ പറഞ്ഞതല്ല ഇമാം നവവി തങ്ങൾ ഇതിനെ ശറഹുൽ മുഹദ്ദബിൽ പറഞ്ഞിരികുന്നു

🔰مذهبنا أنها عشرون ركعة بعشر تسليمات عير وتر وذلك خمس ترويحات الترويحة أربع ركعات بتسليمتين (شرح المهذب-4/32)

                  ഇതിൻ്റെ അടിസ്ഥാനത്തിൽ  തറാവീഹ് എന്ന് പറയണമെങ്കിൽ  മിനിമം  മൂന്ന്  ترويحة നിർബന്ധമാണ്. കാരണം أقل الجمع ثلاثة ഇങ്ങനെയാണെങ്കിൽ പന്ത്രണ്ട് റക്അത്ത് വേണം. ഇതിനാൽ  ഭാഷാപരമായി 8 റക്അത്ത് അല്ല  എന്ന് വ്യക്തമായി.. ഇനി 20 ആണോ എന്ന് ഇന്ന് ശേഷമുള്ള ഉള്ള

 ചർച്ച ശ്രദ്ധിക്കുക🛑തറാവീഹ് ഇരുപത് തെളിവ് പരിശോധിക്കാം🛑

അബൂബക്കർ സിദ്ധീഖ് (റ)ൻ്റെ കാലത്ത് ആഭ്യന്തര വിഷയങ്ങളിൽ വളരെ പ്രയാസമായപ്പോൾ അതിലായിരുന്നു സമയം ചിലവഴിച്ചത്.

ഉമർ(റ)ൻ്റെ കാലത്താണ് ഈ നിസ്കാരത്തെ ഒറ്റ ഇമാമിൻ്റ കീഴിലായി കൊണ്ടുവന്നത്

🔰 عن السائب بن يزيد قال:كنا نقوم في زمان عمر بن الخطاب(ر) بعشرين ركعة والتوتر(إمام بيهقي.معرفة سنن والآثار 5409)

🔰عن السائب بن يزيد قال:كانوا يقومون على عهد عمر بن الخطاب (ر) في شهر رمضان بعشرين ركعة (إمام بيبقي.سنن الكبر)(രണ്ടാം ഭാഗം 693 പേജ്)

🔰 عن السائب بن يزيد قال:كنا ننصرف من القيام على عهد عمر(ر)وقد دنا فروع الفجر وكان القيام عهد عمر ثلاثة وعشرين ركعة(االحافظ عبد رزاق .المصنف 7733)

                 ഈ ഹദീസുകൾ തള്ളാൻ സാധ്യമാണോ? ഈ രൂപത്തിൽ  നിസ്കരിച്ച കാരണത്താൽ ഉമ്മർ (റ) നോട് അവിടെ നിന്ന് ഒരാളും അതെ കുറിച്ച് ചോദിച്ചിരുന്നില്ല. ഇതിൽ നിന്നും മനസ്സിലായി ആയി നബിതങ്ങൾ നിസ്കരിച്ചത് ഇരുപത് റകഅത്താണ്

                ഉമർ തങ്ങൾ ഇല്ലാത്ത നിസ്കാരത്തെ കൊണ്ടുവന്നു എന്ന് പറയാൻ  വിശ്വാസിക്ക്  എങ്ങനെ കഴിയും മറു മറുപടി പറയാൻ  നിങ്ങൾ ബാധ്യസ്ഥരാണ് .ഈ മൂന്ന് ഹദീസുകളിൽനിന്നും പ്രത്യേകം നമ്മൾ ശ്രദ്ധിക്കേണ്ടത്  ഇവിടെ കൊണ്ടുവന്ന പദങ്ങൾ ശ്രദ്ധിക്കുകكنا،كنوا،كنا ഇവിടെയല്ലാംجمع متكلم ൻ്റെ നൂൻ ആണ്. ഇതിൽ നിന്നും മനസ്സിലായി ഈ ഹദീസുകൾ اجماع കൊണ്ട് സ്ഥിരപ്പെട്ടതാണ്. അതിനാൽ  ഈ ഹദീസിനെ തള്ളാൻ സാധ്യമല്ല.

ഇജ്മാആണെന്ന്  വെറുതെ പറഞ്ഞതല്ല മഹാൻമാർ അവിടത്തെ കിതാബിൽ രേഖപെടുത്തിരിക്കുന്നു

🔰اجمع صحابة على أن التراويح عشرون ركعة.وصح أنهم كانو يقومون على عهد عمر في شهر رمضان بعشرين ركعة (ابن حجر هيتمي  .فتح الاله അഞ്ചാം ഭാഗം 130 പേജ്)

🛑 തറാവീഹിൻ്റെ റകഅത്തിൻ്റെ എണ്ണത്തിൽ മദ്ഹബിൻ്റ ഇമാമീങ്ങൾ എന്ത് പറഞ്ഞു എന്ന് പരിശോധിക്കാം🛑

നാല് മദ്ഹബിലെ ഇമാമീങ്ങളും അംഗീകരിച്ച വിഷയമാണ്  തറാവീഹ് ഇരുപത് റക്അത്താണ് എന്നത് 

ശാഫീഈ മദ്ഹബ്

🔰هي عشرون ركعة بعشر تسليمات في كل ليلة من رمضان(مغني 1/226)

🔰وهي عشرون ركعة بعشر تسليمات في كل ليلة من رمضان (نهاية 2/121)

ഹനഫി മദ്ഹബ്

🔰ويستحب أن يجتمع الناس في شهر رمضان بعد العشاء فصلى بهم إمامهم خمس ترويحات كل ترويحة بتسليمتين ويجلس بين كل ترويحتين مقدار ترويحة ثم يوتر بهم(هداية 1/130)

മലികീ മദ്ഹബ്

🔰وتراويح وهي عشرون ركعة (إمام أحمد دردير. أقرب المسائل)

ഹൻബലി മദ്ഹബ്

🔰قيام شهر رمضان عشرين ركعة (إمام أبو القاسم خرقي . كتاب الخرقي)

🛑🛑🛑🛑🛑🛑🛑🛑🛑

                  ഇത്തരത്തിലുള്ള  തെളിവുകൾ ഇനിയും ബാക്കിയാണ്. ഇവിടെ പരാമർശിച്ച മദ്ഹബുകളിലെ ഇമമീങ്ങൾക്കും ചർച്ചകൾക്കും  ഒന്നും ഇല്ലാത്ത ഒരു വാദം ആണ് മുജാഹിദ് പ്രസ്ഥാനത്തിനു ള്ളത് .ഇവരോട് ഒരു ചോദ്യം  മദ്ഹബിൻ്റെ ഇമാമുകൾ  ബിദ്അത്ത് കൊണ്ടുവന്നവരാണോ ?

ഉമർ തങ്ങളും അവിടത്തെ അനുയായികളും ബിദ്അത്തിന് കൂട്ടു നിന്നവരാണോ?

മറ്റു ഖലീഫമാർ ബിദ്അത്തിനെ കൂട്ടുപിടിച്ചോ?

നിങ്ങൾ എട്ട് നിസ്ക്കരിച്ചോളൂ എങ്കിലും എട്ട് മാത്രമെ ഉള്ളൂ എന്ന് പറയരുത് കാരണം നബി മാരെയും പണ്ഡിതന്മാരെയും കുഫ്റിലേക്ക്  വലിച്ചെറിയാൻ  കാരണമാകും. അല്ലാഹു നല്ലത് മനസ്സിലാക്കാൻ തൗഫീഖ് നൽകട്ടെ

⚠️ ഇതിൽ കൊണ്ടുവന്നിട്ടുള്ള  തെളിവുകൾ  പല കിതാബുകളിൽ നിന്നാണ്  . അതിനാൽ  കൊടുത്തിട്ടുള്ള പേജ് നമ്പറുകൾകൾ വ്യത്യാസപ്പെടാൻ സാധ്യതയുണ്ട്. കാരണം കിതാബുകൾ പല نسخ ആയിരിക്കും അതിനാൽ നമ്മൾ കൊണ്ടുവന്ന  വിഷയത്തിൻ്റെ ബാബു കളിൽ അന്വേഷിക്കുക⚠️

✍🏻 അമീന്‍ നിഷാല്‍

കഴിഞ്ഞ ജനുവരി ഇരുപത്തിയാറോടെ നമ്മുടെ ഇന്ത്യ മഹാരാജ്യം ഒരു പരമാധികാര റിപ്പബ്ലിക്കായിട്ട്  എഴുപത്തിഒന്ന്് വര്‍ഷം പൂര്‍ത്തിയായിരിക്കുകയാണ്. അടുത്ത വര്‍ഷത്തോടെ രാജ്യം അതിന്റെ മഹത്തായ സ്വാതന്ത്രത്തിന്റെ എഴുപത്തിയഞ്ചാം വാര്‍ഷികത്തിലേക്കും കടക്കുകയാണ്. എന്നാല്‍ 2014 ല്‍ മോദി സര്‍ക്കാര്‍ അധികാരമേറ്റെടുത്തത് മുതല്‍ ഓരോ വര്‍ഷം കഴിയുംതോറും ഈ ദിവസങ്ങളുടെ ഇനിയുള്ള 'ആയുസ്' കൂടിയാണ് രാജ്യം ചര്‍ച്ച ചെയ്തുകൊണ്ടിരിക്കുന്നത്. ഫാസിസം കളം വാഴുന്ന സമകാലിക ഇന്ത്യയില്‍ ഏറ്റവും കൂടുതല്‍ വെല്ലുവിളി നേരിടുന്നത് രാജ്യത്തിന്റെ മതേതരത്വം തന്നെയാണ്. നാനാത്വത്തില്‍ ഏകത്വമെന്ന മഹത്തായ ആദര്‍ശം ഉയര്‍ത്തിപ്പിടിച്ച് ലോകത്തിന് മുന്നില്‍ തലയെടുപ്പോടെ ഉയര്‍ന്നു നിന്നിരുന്ന രാജ്യത്തിന് മതത്തിന്റെ പേരില്‍ മനുഷ്യനെ അറുംകൊല ചെയ്യുന്ന കാഴ്ചയാണ് നാം കാണുന്നത്. 

ഗോമാംസം കഴിച്ചതിന്റെ പേരില്‍ മനുഷ്യനെ തല്ലികൊല്ലുന്ന രാജ്യത്ത് മനുഷ്യന് മൃഗത്തിന്റെ വിലപോലും ലഭിക്കാതായി. ജയ്ശ്രീറാം വിളിക്കാത്തവരും വന്ദേമാതരം പാടാത്തവരും രാജ്യദ്രോഹികളായി ചാപ്പക്കുത്തപ്പെടുന്നു. നൂറുകണക്കിന് ജാതികളും മതങ്ങളുമടങ്ങിയ കോടിക്കണക്കിന് ജനങ്ങള്‍ അധീവസിക്കുന്ന ഒരു രാജ്യത്ത് പൂരിപക്ഷ വര്‍ഗീയതയെ എങ്ങനെ ഫലപ്രദമായി ദുരുപയോഗം ചെയ്യാമെന്ന് ബി.ജെ.പി കാണിച്ചുതന്നു. സവര്‍ക്കര്‍ ഗോള്‍വാള്‍ക്കറും തുടക്കം കുറിച്ച ഹിന്ദുരാഷ്ട്രമെന്ന സംഘപരിവാര്‍ സ്വപ്‌നത്തിലേക്ക് രാജ്യം ദിനം പ്രതി അടുത്തുകൊണ്ടിരിക്കുകയാണ്. 'ഹൈന്ദവതയും ഇസ്‌ലാമും വിഭിന്നങ്ങളായ രണ്ട് സംസ്‌കാരങ്ങളാണെന്നും അതിനാല്‍ തന്നെ ഇരു വിഭാഗങ്ങളുമടങ്ങിയ ഒരൊറ്റ രാജ്യമായി ഇന്ത്യക്ക് നിലനില്‍ക്കാനാവില്ലെന്നും ' പ്രഖ്യാപിച്ച വി.ഡി സവര്‍ക്കര്‍ ഇന്ത്യയുടെ ഒന്നാം നമ്പര്‍ ശത്രുവായി മുസ്‌ലിംകളെയാണ് 'വിചാരധാര ' യിലൂടെ പരിചയപ്പെടുത്തുന്നത്. ആര്‍.എസ്.എസിലൂടെയും ഹിന്ദുമഹാസഭയിലൂടെയും സംഘടിത രൂപം കൈവരിച്ച ഈ ഒരാശയം ആദ്യം ജനസംഘത്തിലൂടെയും പിന്നീട് ബി.ജെ.പി യിലൂടെയുമാണ് രാഷ്ട്രീയ ശക്തിയാര്‍ജ്ജിച്ചത്. കാശ്മീറിന് പ്രത്യേക പദവി നല്‍കുന്ന മുപ്പത്തി ഏഴാം വകുപ്പ് റദ്ദാക്കുക, അയോധ്യയില്‍ രാമക്ഷേത്രം നിര്‍മ്മിക്കുക,രാജ്യത്ത് ഏകസിവില്‍കോഡ് നടപ്പാക്കുക തുടങ്ങിയ അജണ്ടകള്‍ പ്രഖ്യാപിത ലക്ഷ്യമാക്കിയായിരുന്നു ബി.ജെ.പി ഭാരതത്തിന്റെ രാഷ്ട്രീയ ഭൂമികയിലേക്ക് കടന്ന് വന്നത് തന്നെ. എല്ലാത്തിനുമുപരിയായി ഹിന്ദു രാഷ്ട്രമെന്ന ആത്യന്തിക ലക്ഷ്യവും. തുടക്കം മുതല്‍ തന്നെ വളരെ നിഗൂഢവും തന്ത്രപരവമായ നീക്കങ്ങളാണ് തങ്ങളുടെ ലക്ഷ്യപ്രാപ്തിക്കായി ബി.ജെ.പി നടത്തിയത്. കപടദേശീയതയും ഭൂരിപക്ഷവര്‍ഗ്ഗീയതയും പരമാവധി ചൂഷണം ചെയ്ത് രാജ്യത്തുടനീളം പൈശാചികവും രക്തരൂക്ഷിതവുമായ കലാപങ്ങള്‍ നടത്തി. ഡല്‍ഹിയും കൊല്‍ക്കത്തയും മുംബൈയും ബീഹാറും ലക്‌നൗവുമെല്ലാം പലതവണ കലാപഭൂമിയായി മാറി. മുസ്ലിം ഭൂരിപക്ഷ ആസൂത്രിത കലാപങ്ങള്‍ പലതവണ അരങ്ങേറി. കലാപത്തില്‍ കൊല്ലപ്പെട്ടവരിലും ഇരയായവരിലും ഭൂരിഭാഗവും മുസ്ലിംകള്‍ തന്നെയായിരുന്നു. രണ്ടായിരത്തി രണ്ടില്‍ നരേന്ദ്ര മോദി മുഖ്യ മന്ത്രയായിരുന്ന ഗുജറാത്തില്‍ നടന്ന കലാപത്തില്‍ രണ്ടായിരത്തിലേറെ മുസ്ലിംകളാണ് കൂട്ടക്കൊല ചെയ്യപ്പെട്ടത്. കലാപാനന്തരം ഹിന്ദുവോട്ടുകളുടെ ഏകീകരണം കൂടിയപ്പോള്‍ സംഘ്പരിവാറിന് ആഗ്രഹിച്ചത് നേടിയെടുക്കാനും സാധിച്ചു. ബി.ജെ.പി യുടെ ഇത് വരെയുള്ള വളര്‍ച്ചയില്‍ പ്രത്യേകിച്ചും ഹിന്ദിഹൃദയഭൂമിയിലെ പാര്‍ട്ടിയുടെ ദ്രുതഗതിയിലുള്ള വളര്‍ച്ചയില്‍ ഈ കലാപങ്ങള്‍ വലിയ പങ്കു വഹിച്ചു. അതേ സമയം തന്നെ വിഭജനമേല്‍പ്പിച്ച ആഘാതത്തില്‍ നിന്നും കരകയറുംമുന്നേയുണ്ടായ തുടരെത്തുടരെയുള്ള കലാപങ്ങള്‍ മുസ്ലിംകളെ സാമ്പത്തികമായും സാമൂഹികമായും പിന്നോട്ടടുപ്പിച്ചു. മതേതരപാര്‍ട്ടികളാവട്ടെ മുസ്ലിംകളെ കേവലം വോട്ട്ബാങ്ക് മാത്രമായി കണ്ടു. തെരഞ്ഞെടുപ്പില്‍ മുസ്ലിം സ്ഥാനാര്‍ത്ഥികളെ നിര്‍ത്താന്‍ അവര്‍ വിമുഖത കാണിച്ചതും സ്വന്തമായൊരു രാഷ്ട്രീയ സംഘടിതശക്തിയില്ലാത്തതും മുസ്ലിംകളെ രാഷ്ട്രീയമായും ദുര്‍ഭലപ്പെടുത്തി. അങ്ങനെ എണ്ണൂറ് വര്‍ഷം രാജ്യം ഭരിച്ചവരുടെ പിന്‍ഗാമികള്‍ റിക്ഷ വലിക്കുന്നവരും തൂപ്പുകാരികളുമായി പരിണമിച്ചു. 

    കലാപങ്ങളെ പോലെത്തന്നെ ബി.ജെ.പി ഏറ്റവും കൂടുതല്‍ വര്‍ഗ്ഗീയ മുതലെടുപ്പ് നടത്തിയ വിഷയമാണ് അയോധ്യയിലെ രാമക്ഷേത്ര സംഭവം. ബി.ജെ.പി കേന്ദ്രത്തില്‍ അധികാരത്തിലെത്തുന്നതില്‍ മുഖ്യ പങ്ക് വഹിച്ചത് രാമക്ഷേത്രത്തിന്റെ പേര് പറഞ്ഞ് അവര്‍ നടത്തിയ വര്‍ഗ്ഗീയ പ്രചാരമാണെന്നതില്‍ യാതൊരു സംശയവുമില്ല. യഥാര്‍ത്ഥത്തില്‍ സംഘ്പരിവാറിന് യഥാര്‍ത്ഥ ശ്രീരാമനുമായി യാതൊരു ബന്ധമോ സ്‌നേഹമോ ഇല്ല. മഹാത്മാഗാന്ധി ജീവിതാന്ത്യം വരെ പിന്തുടര്‍ന്ന ആ രാമനെ ഒരു തരി പോലും അവര്‍ അംഗീകരിക്കുന്നുമില്ല. സ്വാതന്ത്ര്യസമര കാലത്ത് മഹാത്മാഗാന്ധി ഒരിക്കല്‍ ആര്‍.എസ്.എസ്സിന്റെ ഒരു കാര്യാലയം സന്ദര്‍ശിക്കുകയുണ്ടായി. അവിടത്തെ ചുമരില്‍ റാണാപ്രതാപ് സിംഗിന്റെയും ശിവജിയുടെയുമെല്ലാം പടം കണ്ട ഗാന്ധിജി അവിടുത്തെ ഒരു ജീവനക്കാരനോട് ചോദിച്ചു:  രാമനെവിടെ? അപ്പോള്‍ 'രാമന്‍ ഇവരെപോലെ വീരശൂരപരാക്രമി ആയിരുന്നില്ല, സമാധാന പ്രേമിയായിരുന്നു. അദ്ദേഹം ഞങ്ങളുടെ ഹീറോയല്ല' എന്നായിരുന്നു ആ ജീവനക്കാരന്‍ ഗാന്ധിജിക്ക് മറുപടി കൊടുത്തത്. ഈസംഭവത്തില്‍ നിന്ന് തന്നെ സംഘ് പരിവാറിന്റെ രാമഭക്തി വ്യക്തമാണല്ലോ. പക്ഷെ കപട രാഷ്ട്രീയത്തിന്റെ വാക്താക്കളായ ബി.ജെ.പി ഈ വിഷയത്തെ വര്‍ഗ്ഗീയമായി ചൂഷണം ചെയ്യുന്നതില്‍ വ്യക്തമായ വിജയം നേടി. ബാബരി മസ്ജിദ് പൊളിച്ച് രാമക്ഷേത്രം നിര്‍മ്മിക്കണമെന്നാവശ്യപ്പെട്ട് രാജ്യത്തുടനീളം പ്രക്ഷോപങ്ങള്‍ നടത്തി. അധ്വാനിയുടെ നേതൃത്വത്തില്‍ രഥയാത്ര നടന്നു. സ്വാധി ഋതംബരയും വിനയ്കത്യാറുമെല്ലാം വര്‍ഗ്ഗീയ വിഷം ചീറ്റുന്ന പ്രസംഗങ്ങളിലൂടെ ഹൈന്ദവ വികാരം ആളിക്കത്തിച്ചു. 1984 ലെ തെരഞ്ഞെടുപ്പില്‍ കേവലം രണ്ട് സീറ്റ് മാത്രമുണ്ടായിരുന്ന ബി.ജെ.പി 89 ല്‍ എണ്‍പത് സീറ്റിലും 1991 ല്‍ നൂറ്റി ഇരുപത്തിരണ്ട് സീറ്റിലുമെത്തി. ഒടുവില്‍ 1992 ഡിസംബര്‍ ആറിന് ലോകം നോക്കിനില്‍ക്കേ ബാബരി മസ്ജിദ് തച്ചു തകര്‍ത്ത സംഘ് ഭീകരര്‍ മതേതര ഇന്ത്യയുടെ ആത്മാവിന് മറക്കാനാവാത്ത മുറിവുമേല്‍പ്പിച്ചു. പിന്നീട് നടന്ന ഏഴ് പൊതു തെരഞ്ഞെടുപ്പുകളിലും മസ്ജിദ് തകര്‍ത്തിടത്ത് രാമക്ഷേത്രം നിര്‍മ്മിക്കുമെന്നായിരുന്നു ബി.ജെ.പി യുടെ പ്രധാന തെരഞ്ഞെടുപ്പ് വാഗദാനം. ബി.ജെ.പി യുടെയും ആര്‍.എസ്.എസ്സിന്റെയും നേതൃത്വത്തില്‍ രാജ്യ വ്യാപകമായി ക്ഷേത്രനിര്‍മ്മാണ കളക്ഷന്‍ നടന്നു.രാമക്ഷേത്രം നിര്‍മ്മിക്കാതെ അയോധ്യയില്‍ കാലുകുത്തില്ലെന്നും പറഞ്ഞാണ് 2014 ല്‍ ആദമായി മോദി അധികാരത്തിലേറിയത്.ഒടുവില്‍ കഴിഞ്ഞ വര്‍ഷം നവംബറില്‍ രാമക്ഷേത്രത്തിന് അനുകൂലമായി സുപ്രീംകോടതി വിധിയും ഈ വര്‍ഷം ഓഗസറ്റ് അഞ്ചിന് ക്ഷേത്രനിര്‍മ്മാണത്തിന് മോദി തന്നെ തറക്കല്ലിടുകയും ചെയ്തതോടെ സംഘ്പരിവാര്‍ പൂര്‍ണ്ണ വിജയം  കൈവരിച്ചു. അതിനു കൃത്യം ഒരുവര്‍ഷം മുമ്പായിരുന്നു (2019 ഓഗസ്റ്റ് അഞ്ച്)തങ്ങളുടെ മറ്റൊരുപ്രധാന അജണ്ഡയായ കാശ്മീരിന് പ്രത്യേക പദവി നല്‍കുന്ന ഭരണഘടനയിലെ 370-ാം വകുപ്പ് കേന്ദ്ര ഗവണ്‍മെന്റ് റദ്ദ് ചെയ്തത്. അടുത്തതായി രാജ്യത്ത് ഏകസിവില്‍കോഡ് നടപ്പിലാക്കാനുള്ള നീക്കത്തിലാണ് ബി.ജെ.പി ഗവണ്‍മെന്റ്. അതിന് മുന്നോടിയായിട്ടാണിപ്പോള്‍ രാജ്യ വ്യാപകമായി പൗരത്വനിയമം നടപ്പിലാക്കാനിരിക്കുന്നത്. തീര്‍ത്തും വിവേചനാത്മകവും രാജ്യത്തെ രണ്ടായി വിഭജിക്കുന്നതുമായ ഈ ബില്‍ 'മുസ്ലിം മുക്ത ഭാരത' ത്തിലേക്കുള്ള ആദ്യ ചവിട്ടുപടിയാണെന്നതില്‍ യാതൈാരു സംശയവുമില്ല.

          ഇങ്ങനെയൊക്കെ നടക്കുമ്പോഴും രാജ്യത്തെ മതേതര സമൂഹത്തെ ഏറെ ആശങ്കപ്പെടുത്തുന്ന കാര്യമെന്തെന്ന് വെച്ചാല്‍,രാജ്യത്തിന്റെ മതേതരത്വത്തിനും ജനാധിപത്യത്തിനും കാവലാളാകേണ്ട ഭരണഘടനാസ്ഥാപനങ്ങളുടെ ഇന്നത്തെ ദുരവസ്ഥയാണ്. ബി.ജെ.പിക്ക് മൃഗീയ ഭൂരിപക്ഷം ഉള്ളത് കൊണ്ട് തന്നെ ചൂടപ്പം പോലെയാണ് പാര്‍ലമെന്റില്‍ ഓരോ ബില്ലുകളും പാസാകുന്നത്. മഹത്തായ ദര്‍ശനങ്ങളും തത്വങ്ങളും ഉള്‍കൊള്ളുന്ന ലോകത്തിലെ തന്നെ ഏറ്റവും വലിയ ലിഖിത ഭരണഘടനയുടെ മരണമണി പാര്‍ലമെന്റില്‍ മുഴങ്ങികൊണ്ടിരിക്കുന്നതാണ് നാം കാണുന്നത്. ഭരണഘടനാസ്ഥപനങ്ങള്‍ ഏതാണ്ടെല്ലാം ബി.ജെ.പി യുടെ റിമോട്ട് കണ്‍ട്രോളിലാണ്. ഗവര്‍ണര്‍ പഥവി അലങ്കരിക്കുന്നവരെല്ലാം നാഗ്പൂരിലെ ആര്‍.എസ്.എസ് ആസ്ഥാനത്ത് നിന്ന് കെട്ടിയിറക്കുന്ന സംഘ് ചാലക്മാരാണ്. എന്തിനേറെ പറയണം രാഷ്ട്രപതി രാംനാഥ് കോവിന്ദ് വരെ തനി ആര്‍.എസ്.എസ് കാരനാണ്. പുതിയ രാമക്ഷേത്ര നിര്‍മ്മാണത്തിന് തന്റെ വക വെളളി ഇഷ്ടികകള്‍ നല്‍കിക്കൊണ്ടായിരുന്നു പ്രഥമ പൗരന്‍ തന്റെ ഭക്തി തെളിയിച്ചത്.

           ഇനി നീതിന്യായ ന്യായ വ്യവസ്ഥയുടെ കാര്യമെടുത്താല്‍ രാജ്യത്തെ കോടതികളില്‍നിന്ന് നീതിയും സത്യവും അന്യവല്‍കരിക്കപ്പെട്ടുകൊണ്ടിരിക്കുകയാണ്. ബാബരി കേസിലെ വിധിയില്‍ പളളി പൊളിച്ചതും പള്ളിക്കുള്ളില്‍ വിഗ്രഹം സ്ഥാപിച്ചതും തെറ്റാണെന്ന് നിരീക്ഷിച്ച പരമോന്നത നീതിപീഠം അതേ വിതിയില്‍ തന്നെയായിരുന്നു പള്ളി തകര്‍ത്തിടത്ത് രാമക്ഷേത്രം നിര്‍മ്മിക്കാന്‍ ഉത്തരവിട്ടതും. സുപ്രീംകോടതിയില്‍ ബാഹ്യ ഇടപെടല്‍ നടക്കുന്നുണ്ടെന്ന് സുപ്രീം കോടതിയിലെ ജഡ്ജിയായിരുന്ന ജ:കുര്യന്‍ ജോസഫ് സ്ഥാനം ഒഴിഞ്ഞ ശേഷം വെളിപ്പെടുത്തിയതും ഇതിനോട് നാം ചേര്‍ത്ത് വായിക്കണം. അതേപോലെ ബി.ജെ.പി നേതാക്കളുടെ കേസുകള്‍ക്ക് കൂട്ടത്തോടെ ക്ലീന്‍ചീറ്റ് നല്‍കിയതും സര്‍ക്കാറിനെ വിമര്‍ശിക്കുന്നവര്‍ക്ക് നേരെ കളളക്കേസുകള്‍ കെട്ടിച്ചമച്ചതും സി.ബി.ഐയും ഇ.ഡിയും അടക്കമുള്ള ദേശീയ അന്വേഷണ ഏജന്‍സികളും 'നാഗ്പൂര്‍' ആജ്ഞകള്‍ കൃത്യമായി പാലിക്കുന്നുണ്ട്. ജനാധിപത്യത്തിന്റെ നാലാം തൂണായ മാധ്യമങ്ങളുടെ കാര്യവും തഥൈവ. സര്‍ക്കാറിന്റെ വീഴ്ച്ചകളെ മറച്ചുവെച്ചും മോദിയെ 'ഊതിവീര്‍പ്പിച്ചും' മാധ്യമങ്ങള്‍ ബി.ജെ.പി യുടെ 'മുഖ്യപ്രചാരകരായി' മാറി. ഇക്കണക്കിന് പോയാല്‍ രണ്ടായിരത്തി ഇരുപത്തിനാലിലെ പൊതു തെരഞ്ഞടുപ്പില്‍ ബി.ജെ.പി 'ഹിന്ദുരാഷ്ട്രം' പ്രകടനപത്രികയില്‍ മുഖ്യ വാഗ്ധാനമായി പ്രഖ്യാപിച്ചാലും അത്ഭുതപ്പെടാനില്ല. അതിനാദ്യം തെരഞ്ഞെടുപ്പ് നടക്കുമോ ആവോ?

 ✍🏻 സല്‍മാന്‍ വേങ്ങര

             ദീനിൻ്റെ പേരിൽ ദിനേനെ പാർട്ടികളും പ്രസ്ഥാനങ്ങളും ഉടലെടുത്തു കൊണ്ടിരിക്കുകയാണ്. പ്രവാചകരുടെ ദീർഘ ദർശനത്തിൻ്റെ പുലർച്ചെ മാത്രമായേ ഇവയെ കണക്കാക്കാൻ കഴിയുകയുള്ളൂ. ആ വിഭാഗത്തിൽ ഉൾക്കൊള്ളുന്നതാണ് തബ് ലീഗ് ജമാഅത്ത്. എന്നാൽ അതിൻ്റെ വക്താക്കൾ അതിനെ നിർവ്വചിക്കുന്നതാവട്ടെ വിശ്വാസം പ്രചരിപ്പിക്കുന്ന സമൂഹം എന്നാണ് പോലും. ഉത്തർപ്രദേശിലെ ദയൂബന്ദ് ദാറുൽ ഉലൂം കേന്ദ്രീകരിച്ച് രൂപീകൃതമായ ചിന്തയുടെ കർമധാരയാണ് തബ്ലീഗ് ജമാഅത്ത്. 1926 മുഹമ്മദ് ഇല്യാസ് ഈ പ്രസ്ഥാനത്തിന് ദീപം കൊളുത്തിയതോടെയാണ്  ഇസ്ലാം പ്രചാരകരുടെ പട്ടികയിൽ പുതിയ നാമം ചേർക്കപ്പെട്ടത്. പല വിഷയങ്ങളിലും തനി വഹാബി വീക്ഷണം വെച്ച് പുലർത്തിയിരുന്ന റഷീദ് അഹ്മദ് ഗംഗോഹിയാണ് അദ്ദേഹത്തിന്റെ പ്രധാന ഗുരു. സ്ഥാപകന്റെ വരമൊഴി യികൾ മക്കാതീബ് എന്ന പേരിലും വാമൊഴികൾ മൽഫുളാത്ത് എന്ന പേരിലും സമാഹരിക്കപെട്ടിട്ടുണ്ട്. തനിക്ക് ഉണ്ടായ ചില സ്വപ്ന ദർശനങ്ങളുടെ അടിസ്ഥാനത്തിലാണ് തബ്ലീഗ് ജമാഅത്തിന് തുടക്കം കുറിയുന്നത് എന്നാണ് ഇല്യാസ് സാഹിബ് പറയുന്നത് (മൽ ഫുളാത്ത് 51.52 ) ഇസ്ലാമിൻ്റെ ആശയാദർശങ്ങളുടെ മുഖ ചിത്രത്തെ മായ്ച്ച് പുതിയത് പറയാൻ വേണ്ടിയാണ് തുടക്കം മുതലേ ഇവർ പ്രവർത്തനം ആരംഭിച്ചിരിക്കുന്നത്. ബഹുജനങ്ങളിൽ മതബോധം വളർത്തുകയും നബി തങ്ങളുടെ സുന്നത്തിനെ സമൂഹത്തിനു സമർപ്പിക്കുകയുമായിരുന്നു ഇവരുടെ ലക്ഷ്യം. പക്ഷേ വഹാബിസത്തിൻ്റെ ആദർശത്തെയാണ് ഇവർ കൈവെള്ളയിൽ കൊണ്ട് നടന്നിരുന്നത് . ഇവർ നടത്തുന്ന പ്രയാണങ്ങൾ പരിശുദ്ധമാക്കപ്പെട്ട ഇസ്ലാമിനെതിരെ ആണെന്ന് കണ്ടപ്പോൾ ഇവരെക്കുറിച്ച് വിശദമായ അന്വേഷണ പഠനങ്ങൾക്ക് സമസ്ത സന്നദ്ധത പ്രകടിപ്പിക്കുകയും 1965 ഒക്ടോബർ 16ന് മർഹൂം കണ്ണിയത്ത് അഹ്മദ് മുസ്‌ലിയാരുടെ അധ്യക്ഷതയിൽ ചേർന്ന സമസ്തയുടെ സമുന്നത യോഗത്തിൽ തബ്ലീഗ് ജമാഅത്ത് പുത്തനാശയക്കാരുടെ സംഘമാണെന്നും തെക്കുപടിഞ്ഞാറ് അറ്റത്തുനിന്നും അടിച്ചുവീശുന്ന തിരമാലയിലേക്ക് അതിനെ എടുത്ത് എറിയുകയും ചെയ്യണമെന്ന് സമസ്ത വിജ്ഞാപനം ചെയ്തു.

قال رسول الله صلى الله عليه وسلم من احدث في امرنا هذا ما ليس منه فهو رد

          മനുഷ്യകുലത്തിന് മുന്നിൽ കാപട്യത്തിൻ്റെ വേഷമണിഞ്ഞ് അഹ്ലുസ്സുന്നയുടെ അടിത്തറയെ ഇളക്കി മറിക്കാനുള്ള ഗൂഢ തന്ത്രമാണ് ഇവരുടെ യാഥാർത്ഥ ലക്ഷ്യം. താടിയും നീളൻ ജുബ്ബയും പുഞ്ചിരിയും കൈയ്യിൽ ഒരു തസ്ബിമാലയുമെടുത്ത് സാധാരണക്കാരനു മുന്നിൽ വലിയ 'ശുജായി' ആയി വേഷപ്രച്ഛന്നനായി ഇതാണ് യഥാർത്ഥ മുസ്ലിമീങ്ങൾ, വലിയ മുത്തഖീങ്ങൾ എന്ന് ജനസമക്ഷം ബോധിപ്പിക്കുന്ന ചിന്താഗതിയുലൂടെയാണ് അവരുടെ സഞ്ചാരം. എന്നാൽ തബ്ലീഗ്‌ ജമാഅത്തുകാർക്ക് ആദർശപരമായി വൈകല്യങ്ങൾ ഒന്നുമില്ല എന്ന തെറ്റിദ്ധാരണ  സാമാന്യ മുസ്‌ലിം സമൂഹത്തിന് മുമ്പിൽ നിലനിൽക്കുന്നതിൻ്റെ ഒരു വശം എന്നുള്ളത് കർമ്മശാസ്ത്ര മദ്ഹബുകൾ, സ്ത്രീ ജുമുഅ - ജമാഅത്ത്, തറാവീഹ് എണ്ണം തുടങ്ങിയ തർക്കവിഷയങ്ങളിൽ മുജാഹിദുമായി അകന്നു നിൽക്കുന്നതിനാലാണ്. എന്നാൽ,നബിദിനം,ഇസ്തിഗാസ,അദ്യശ്യജ്ഞാനം എന്നീ അടിസ്ഥാന പരമായ വിശ്വാസവിഷയങ്ങളിൽ മുജാഹിദുകളുടെ ഊട്ടുപുരയിലാണ് അവരുടെ ജീവിതം കഴിച്ചു കൂട്ടുന്നത് എന്ന വസ്തുത അധികമാളുകൾക്കും അറിയില്ല. 

             സാമാന്യ മുസ് ലിംങ്ങൾക്കിടയിൽ അവരെ ആകർഷിപ്പിക്കുന്നത് മുജാഹിദുകൾ ചവറ്റുകൊട്ടയിലേക്ക് എടുത്തറിഞ്ഞ വേഷവിധാനത്തിലൂടെയാണ്.ഈ കോലം കെട്ടലിലൂടെയാണ് കേരളത്തിലേ വിവിധ മുസ്ലിം നഗരങ്ങളിൽ തബ്ലീഗ് ജമാഅത്ത് ആശയങ്ങൾ രക്ത സിരകളിലേക്ക് അതിശ്രീ ഘം അവരുടെ ആശയം സിറിഞ്ച് ചെയ്യുന്നത്. ഇത്തരത്തിലുള്ള അവരുടെ ബാഹ്യചേഷ്ട കൊണ്ടാണ് ആളുകൾ ഇവർക്ക് എന്താണ് പ്രശ്നം എന്ന് ചോദിക്കുകയും അവരുടെ ആശയങ്ങളിലേക്ക് വേഗം ചേക്കേറുകയും ചെയ്യുന്നത് . 

          എന്നാൽ ഇസ്‌ലാമിൽ വിശ്വാസ കാര്യങ്ങളാണ് മുഖ്യമെന്നും ബാഹ്യ ചേഷ്ടകൾക്ക് യാതൊരു സ്ഥാനവുമില്ല എന്ന വസ്തുത പലരും വിസ്മരിക്കുകയാണ്. അതുകൊണ്ട് പ്രസ്താവ്യ വിഭാഗം വിശ്വാസ വൈകല്യം സംഭവിച്ചവരാണെന്നും ഇത്തരത്തിലുള്ള അവരുടെ കർമ്മങ്ങൾ യാതൊരു ഫലവും ചെയ്യാത്തതുമാണെന്നും പരിശുദ്ധ പ്രവാചക വചസ്സുകൾ നമ്മെ പഠിപ്പിക്കുന്നുണ്ട്.

قال رسول الله صلى الله عليه وسلم 

(لا يقبل الله صاحب بداعة صوما،ولاصلاة،ولاصدقة،ولاحجا،ولاعمرة،ولاجهادا،ولاصرفا،ولاعدلا،يخرج من الإسلام كما تخرج الشعرة من العجين) رواه ابن ماجه 

(വിശ്വാസ വൈകല്യമുള്ളവരിൽ നിന്ന് നോമ്പ്,നിസ്കാരം, ധർമ്മം, ഹജ്ജ്-ഉംറ, ധർമ്മയുദ്ധം, ഇടപാട് എന്നീ പ്രവൃത്തികൾ ഒന്നും സ്വീകരിക്കുകയില്ലെന്നും ശവത്തിൽ നിന്ന് മുടി കൊഴിഞ്ഞു പോകും പ്രകാരം അവർ ദീനിൽ നിന്ന് പുറത്തുപോകും. )

            തബ്ലീഗ് നേത്രത്തുംപുറത്ത്‌ വിട്ട അപകടകരമായ ചില കാര്യങ്ങൾ കൂടി

1️⃣ പ്രവാചക വിമർശനം

                  പ്രവാചകർ (സ്വ) സാധാരണ ജനങ്ങളുമായി സഹവർത്തിത്വം സ്ഥാപിക്കുന്നത് നിമിത്തം നബിയിൽ നിന്ന് കറാമത്തുകൾ ഉണ്ടാകുന്നു (മൽ ഫുളാത്ത്  87

അള്ളാഹു പറയുന്നു തിരുദൂതരിൽ നിങ്ങൾക്ക് മഹത്തായ മാതൃകയുണ്ട് തീർച്ച (അൽ അഹ്സാബ്: 21 )

2️⃣ പ്രവാചക നിന്ദ:

                നിസ്കാരത്തിൽ നബിയെ ഒർകൽ കാള, കഴുത മുതലായവകളെ ഒർക്കുന്നതിനേകാൾ മോശമാണ് (സ്വിറാത്തോ മുസ്തക്കീം 148 )

ഇമാം ഗസ്സാലി (റ) പറയുന്നു നിൻ്റെ ഹൃദയ വിശുദ്ധിയോട് കുടെ നബിയെ ഹാജറാക്കി സലാം പറഞ്ഞാൽ .തന്നെ സലാം അവിടെ എത്തുമെന്നും അതിലേറെ പൂർണ്ണമായ രൂപത്തിൽ മടക്കുമെന്നും നീ മനസ്സിൽ ഉറപ്പികുക (ഇഹ് യ 1/169)

3️⃣ മരണാനന്തര ചടങ്ങുകൾ:      

             മരിച്ചവന് വേണ്ടി മുന്നാം ദിവസം ഒരുമിച്ച് കൂടൽ ഹിന്ദുക്കൾക്കിടയിൽ നിലവിലുള്ള ആചാരമാണ്.അവരോട് സാമ്യമുള്ളത്തിനാൽ ആ ആചാരം ഹറാമാണ് (ഫതാവാ റഷീദിയ 146)

സുന്നത് ജമഅത്തിൻ്റെ വിഷയങ്ങളിൽ ദാരാളം വിഷയങ്ങളിൽ എതിർപ്പ് പ്രഗടിപ്പികുന്നവരാണ്.ഇവിടെ കെണ്ടു വന്ന വിഷയത്തിന് സത്യം മനസ്സിലാക്കാൻ വേണ്ടി മാത്രം കുറച്ച് തെളിവുകൾ മത്രമെ കൊണ്ടുവന്നുട്ടുള്ളൂ ഓരാളം തെളിവുകൾ ഇനിയും ഉണ്ട്  അതിനാൽ സത്യം മനസ്സിലാക്കുക

         ،തബ്ലീഗുകാരുടെ മുൻകാല നേതാക്കളുടെ ഗ്രന്ഥങ്ങളിൽ അടങ്ങിയതും ആശയങ്ങൾക്ക് വിരുദ്ധവുമായ ചിന്താഗതികളാണ്  ഇവിടെ പരാമർശിക്കുന്നത്.

....... നബിദിനം .........

              മൗലീദ് പാരായണ പാരായണവും നബിദിനാഘോഷവും തുടങ്ങിയവയെകുറിച്ചും തബ്ലീഗ് നേതാക്കൾ എന്ത് പറയുന്നു എന്ന് പരിശേധിക്കാം. ഇവരിൽ ചില മൗഢ്യ താരികൾ പറയുന്നു നബി തങ്ങളുടെ മദ്ഹ് പറയൽ നിരുപാധികം ആണെങ്കിൽ സുന്നത്താണ് എന്നും അത് ഒരു പ്രത്യേക ദിനത്തിൽ ആണെങ്കിൽ അത് ശിർക്കാണ് എന്നും. എന്നാൽ ചില മൗഢ്യ ധാരികൾ പറയുന്നു നബി തങ്ങളുടെ മദ്ഹ് പറയൽ നിരുപാധികം അത് ശിർക്കാണ് അവർ അതിന് ന്യായം പറയുന്നത് നബിയുടെ കാലത്ത് ചെയ്തിട്ടുണ്ടോ സ്വഹാബത്ത് ചെയ്തിട്ടുണ്ടോ എന്നതാണ്.

          ഗാംഗോഹി പറയുന്നു: മൗലിദ് സംഘടിപ്പിക്കൽ ശറഇൽ വിരുദ്ധമാണ് (ഫതാവാ റശീദിയ 115) ഈ മജ്ലിസ് ബിദ്അത്തും ദുർമാർഗവുമാണ്(ഫതാവ റശീദിയ 114 ) നബിയുടെ ജന്മദിനം ആഘോഷിക്കുന്ന നബിയെ നിസാരമാക്കലാണ്(അശ്റഫുൽ ജവാബ് 104 ) നിലവിലുള്ള രീതിയിൽ നബിദിന സദസ്റ്റ് സംഘടിപ്പിക്കൽ അടിസ്ഥാനരഹിതമായ ബിദ്അത്തും നിഷിദ്ധവുമാണ്(ഫതാവാ മഹ് മൂദിയ്യ 1:190)

......മൗലീദ് കർമ്മത്തിെൻ്റ വിധി.....

              മുകളിൽ പറയപ്പെട്ട മൗലിദ് മനുഷ്യൻ നടത്തുന്ന ഒരു കർമ്മമാണ്. മറ്റുള്ള കർമ്മങ്ങൾക്ക് ഉള്ളതുപോലെ ശറഇൽ അംഗീകൃതമായ അഞ്ചൽ ഒരു വിധി അനിവാര്യമാണ്. ഒന്ന് വാജിബ് രണ്ട് മുബാഹ് മൂന്ന് കറാഹത്ത് നാല് ഹറാം അഞ്ച് സുന്നത്ത് ഇവകളിൽ പെട്ട ഏതെങ്കിലും ഒരു വിധി അനിവാര്യമാണ്. ഇസ്ലാമിൽ ഈ വിധികളിൽ ഒതുങ്ങാത്ത ഒരു കർമ്മവുംഇല്ല. കാരണം ഇസ്‌ലാം സമ്പൂർണ്ണമാണ്. ഇസ്ലാമിലുള്ള ഏത് കാര്യത്തിനും അതിൻറെ തായ വിധികളുണ്ട്(ജമുൽ ജവാമിഅ‌) നബിയും സ്വഹാബത്തും അങ്ങനെ ഒരു കർമ്മം നടത്തിയിരുന്നില്ല അതുകൊണ്ട് അത് അനാചാരമാണ് ബിദ്അത്താണ് എന്ന് കൊട്ടി ആഘോഷിക്കുന്ന മൗലൂദ് വിരോധികളെ അങ്ങ് വാദിക്കുന്നു. ഒരു കർമ്മം അത് നല്ലതാണ് അല്ല അത് ബിദ്അത്താണ് എന്ന് തെളിയണമെങ്കിൽ നബിയും സ്വഹാബത്തും പ്രവർത്തിച്ചു എന്ന് തെളിയണമെന്നോ എന്തരു വിണ്ഡിത്യമാണ്. ഇങ്ങനെയെല്ലാം വാദിച്ചാൽ ഇസ്ലാമിൻറെ സമ്പൂർണ്ണതക്കും സമകാലികത്തും അത് ഭീഷണിയാവൂലെ...

           നേക്കുക: ഇസ്ലാമിൽ സുന്നത്തായ കാര്യമാണ് നികാഹ് ഇത് ഈ കാലഘട്ടത്തിൽ എങ്ങിനെയാണ് കഴിക്കുന്നത്     ആദ്യം പുതുനാരൻ സ്ത്രീയെ പോയി കാണുന്നു. പിന്നെ നിശ്ചയം സംഘടിപ്പിക്കുന്നു. വിവാഹത്തിന് വേണ്ടിയുള്ള പന്തലൊരുങ്ങുന്നു. അതിലേക്ക് ആളുകളെ ക്ഷണിക്കുന്നു. അതിനിടയിൽ നികാഹ് ചെയ്തു കൊടുക്കുന്നു .ആ ചടങ്ങിൽ പ്രസംഗം സംഘടിപ്പിക്കുന്നു. സീ അകൾ  പരസ്പരം ഉരുവിടുന്നു ഇതുപോലെയുള്ള കർമങ്ങൾ നബിയുടെ കാലത്ത് ഉണ്ടായിട്ടുണ്ടോ? സ്വഹാബത്ത് ചെയ്തിട്ടുണ്ടോ? അപ്പോൾ ഇതുപോലെയുള്ള ചടങ്ങുകൾ നിശിന്ധ മാവുമോ ബിദ്അത്ത് ആകുമോ?

          ഇതുപോലെതന്നെയാണ് അറിവ് പഠിക്കലും പഠിപ്പിച്ചു കൊടുക്കലും ഇസ്‌ലാമിൽ നിർബന്ധമാണ് ആണ്. എന്നാൽ ഈ കാലഘട്ടത്തിൽ അതിനെ ആവശ്യമായ ബിൽഡിങ്ങുകൾ നിർമ്മിക്കുകയും അതുപോലെ തന്നെ അതിൽ ആവശ്യമായ സാധനങ്ങൾ കൊണ്ടു വരികയും വിദ്യാർത്തികളെ പഠിപ്പികാൻ ആദ്യ പകരെ ഏർപെടുത്തുന്നു.അവർക്ക് ശബളം കെടുകുന്നു. അതിനാവശ്യമായ സിലബസുകൾ തിരിക്കുകയും വിദ്യാർഥികൾക്ക് വേണ്ടി പരീക്ഷകൾ നടത്തുകയും വിജയിച്ചവരെ കയറ്റി നിർത്തുകയും തോറ്റവരെ അതേ ക്ലാസിൽ പഠിപ്പിക്കുകയും ചെയുന്നു. ഇങ്ങനെയല്ലാം നബിയുടെ കാലത്ത് ഉണ്ടായിട്ടുണ്ടോ? സ്വഹാബത്ത് ചെയ്തിട്ടുണ്ടോ? അതുകൊണ്ട് വിദ്യ അഭ്യസിക്കൽ ശിർക്കാണ്. അല്ലെങ്കിൽ ബിദ്അത്താണ്. എന്ന് പറയാൻ നിങ്ങൾക്ക് സാധിക്കുമോ.? അപ്പോൾ ഈ മൗഢ്യ ദാരികൾ ഒന്ന് ചിന്തിക്കുക .നബിയുടെ കാലത്ത് ഉണ്ടാവട്ടെ ഉണ്ടാവാതിരിക്കട്ടെ ഇതുപോലെയുള്ള സൽകർമ്മത്തിന് എന്തെങ്കിലും ഒരു വിധി തീർച്ചയായും ശറഇൽ ഉണ്ടാകും.

           ഇതുകൊണ്ടാണ് വിധി നിർണായക അടിസ്ഥാനത്തിൽ വിധി 5 വിധമാണെന്ന് പണ്ഡിതന്മാർ പറയുന്നത്. ഒരു ഉദ്ധരണി കാണുക: പുതിയ ആചാരങ്ങൾ വാജിദ് ഹറാം സുന്നത്ത് കറാഹത്ത് മുബാഹ് എന്നിങ്ങനെ വിവിധ ഇനങ്ങൾ ആണ്. മുകളിൽ പറഞ്ഞത് ശരീഅത്ത് നിയമങ്ങളുടെ പൊതു നിയമങ്ങളാണ്. വാജിബിനെ പ്രമാണങ്ങളിൽ വരുന്ന ബിദ്അത്ത് ആയിരിക്കും ഉദാഹരണം അറബി വ്യാകരണ ശാസ്ത്രം അഭ്യസികൽ അദ്യസിപ്പിക്കൽ ഇവകളെ പോലെ. ഹറാമിനെ പ്രമാണങ്ങളിൽ വരുന്ന ബിദ്അത്ത് ഹറാം ആയിരിക്കും ഉദാഹരണം റാഫിളത്ത്, മുജസ്സിമത്ത്, മുർജിഅത്ത്, എന്നീ മുബതി ദീങ്ങളുടെ  ആചാരങ്ങൾ ഹറാമാണ്. സുന്നത്തിനെ പ്രമാണങ്ങൾ വരുന്ന വിധത്തിൽ സുന്നത്താണ് ഉദാഹരണം മദ്രസകൾ. സത്രങ്ങൾ പേലെയുള്ളവ പണിയുക' ആദ്യകാലത്ത് നടപ്പില്ലാത്ത സദുബ്ദെശകാര്യങ്ങൾ ഇവകൾ സുന്നത്താണ്. മു ബാഹിൻ്റ പ്രമാണങ്ങളിൽ വരുന്ന ബിദ്അത്ത് മുബാഹ് ആയിരിക്കും ഉദാഹരണം സുബഹി നിസ്കാരത്തിനും അസർ നിസ്കാരത്തിനു ഉടനെ പരസ്പരം മുസാഫഹത്ത് ചെയ്യൽ ഇത് മുമ്പാഹാണ്. ശർവാനി (10/235) ഈ അടിസ്ഥാനത്തിൽ മൗലിദ് കർമ്മത്തിന് വിധി എന്താണെന്ന് പരിശോധിക്കാം. ഇന്നത്തെ രീതിയിലുള്ള മൗലിദ് കഴിക്കൽ നബിയുടെ കാലത്തെ ഇല്ലാത്തതിനാൽ ബിദ്അത്താണ്. എന്നാൽ ദീനിനെ അടിസ്ഥാന പ്രമാണങ്ങൾക്ക് വിരുദ്ധമായ ബിദ്അത്ത്അല്ല . ഏത് കർമ്മങ്ങളുടെയും വിധി നിർണയിക്കുന്നത് ഫിഖ്ഹി നെ ആധാരമാക്കിയാണ് ' ഖുർആനിനെയും ഹദീസുകളെയും ഒറ്റക്ക് പിടിച്ചുകൊണ്ട് വിധി നിർണയിക്കാൻ സാധ്യമല്ല. ഫിഖ്ഹ് ഗ്രന്ഥങ്ങളിൽ ഇന്ന് നടന്ന വരുന്ന മൗലിദ് സമ്പ്രദായത്തിന് പ്രമാണങ്ങളുടെ വെളിച്ചത്തിൽ നൽകപ്പെട്ടിരിക്കുന്ന വിധി മൻദൂബ്(പ്രതിഫലാർഹവും ഒരു പുണ്യകർമ്മവും) ആണ് ശർവാനി (7/422)

          ഇസ്ലാമിൽ ഒരു കാര്യം സുന്നത്താണ് അല്ല എന്ന് പറയണമെങ്കിൽ നബിയോ സ്വഹാബത്തോ ചെയ്യണമെന്നില്ല . എന്നാൽ നബിയോ സഹാബത്തോ ചെയ്താൽ മാത്രമേ സുന്നത്താവൂ എന്ന മൗഢ്യ ദാരികളുടെ ചിന്ത അസ്ഥാനത്താണ്. ഒരു ഉദാഹരണം കാണുക നിസ്കാരത്തിൻറെ സമയമായ ശേഷം ഒറ്റക്ക് നിസ്കരിച്ച ആൾക്ക് ശേഷം ജമാഅത്തായി നിസ്കരിക്കുമ്പോൾ അതിൽ നിസ്കരിക്കൽ സുന്നത്താണ്.ഇതിനെ കുറിച്ച് ഫിഖ്ഹ് പന്ധിതൻമർ പറയുന്നു

وعدم نقل الاعادة عنه صلعم لا يستلزم عدم نذبها(تحفه ١_٤٣٤ )

          ഇങ്ങനെ നബി തങ്ങളെ തൊട്ട് മടക്കി നിസ്കരിച്ചതായി ഉദ്ധരിക്കപ്പെട്ടിരുന്നിലെന്ന് വെച് ആ കാര്യം സുന്നതല്ലന്ന് വരൂല

ഇതുപോലെ നബിതങ്ങൾ പ്രവർത്തിച്ചിട്ടില്ല എങ്കിലും ഇന്നത്തെ മൗലിദ് കർമ്മവും അതിനോടനുബന്ധിച്ചുള്ള ആചാരങ്ങളുമെല്ലാം സുന്നത്തും പ്രതിഫലാർഹവും ആണെന്ന് ഫിഖ്ഹ് ഗ്രന്ഥങ്ങളിൽ നിന്ന് മനസിലാക്കാൻ പ്രയാസമൊന്നുമില്ല

 തെളിവ് ഖുർആനിൽ

🔰അല്ലാഹു നൽകിയ റഹ്മത്തിൽ സന്തോഷിക്കാൻ കൽപ്പിക്കുന്നു

١- قل بفضل الله وبرحمة فبذالذالك

فليفرحوا هو خير مما يجمعون

🔰നബിതങ്ങൾ റഹ്മത്ത് ആണെന്ന് ഖുർആനിലൂടെ

٢ وماأرسلناك إلا رحمة للعالمين

ഇവിടെ റഹ്മത്ത് ഉദ്ദേശം നബി തങ്ങൾ ആണെന്ന് എല്ലാ തഫ്സീറിലും കാണാം

٣-وأمابنعمة ربك فحدث

അല്ലാഹുവിൻറെ അനുഗ്രഹത്തിന് എപ്പോഴും ഓർത്ത് കൊണ്ടിരിക്കുക.

ഇത്രത്തിലുള്ള ഖുർആൻ ആയത്തുകൾ ഉണ്ടാകുമ്പോൾ എന്തിനാണ് വിഷം ചീറ്റി നടക്കുന്നത്.  

🔰٣٣٩٧ - حَدَّثَنَا عَلِيُّ بْنُ عَبْدِ اللَّهِ، حَدَّثَنَا سُفْيَانُ، حَدَّثَنَا أَيُّوبُ السَّخْتِيَانِيُّ، عَنِ ابْنِ سَعِيدِ بْنِ جُبَيْرٍ، عَنْ أَبِيهِ، عَنِ ابْنِ عَبَّاسٍ رَضِيَ اللَّهُ عَنْهُمَا، أَنَّ النَّبِيَّ صَلَّى اللهُ عَلَيْهِ وَسَلَّمَ، لَمَّا قَدِمَ المَدِينَةَ، وَجَدَهُمْ يَصُومُونَ يَوْمًا، يَعْنِي عَاشُورَاءَ، فَقَالُوا: هَذَا يَوْمٌ عَظِيمٌ، وَهُوَ يَوْمٌ نَجَّى اللَّهُ فِيهِ مُوسَى، وَأَغْرَقَ آلَ فِرْعَوْنَ، فَصَامَ مُوسَى شُكْرًا لِلَّهِ، فَقَالَ «أَنَا أَوْلَى بِمُوسَى مِنْهُمْ» فَصَامَهُ وَأَمَرَ بِصِيَامِهِ(صحيح البخاري)

🔰١٢٧ - (١١٣٠) حَدَّثَنَا يَحْيَى بْنُ يَحْيَى، أَخْبَرَنَا هُشَيْمٌ، عَنْ أَبِي بِشْرٍ، عَنْ سَعِيدِ بْنِ جُبَيْرٍ، عَنِ ابْنِ عَبَّاسٍ رَضِيَ اللهُ عَنْهُمَا، قَالَ: قَدِمَ رَسُولُ اللهِ صَلَّى اللهُ عَلَيْهِ وَسَلَّمَ الْمَدِينَةَ، فَوَجَدَ الْيَهُودَ يَصُومُونَ يَوْمَ عَاشُورَاءَ فَسُئِلُوا عَنْ ذَلِكَ؟ فَقَالُوا: هَذَا الْيَوْمُ الَّذِي أَظْهَرَ اللهُ فِيهِ مُوسَى، وَبَنِي إِسْرَائِيلَ عَلَى فِرْعَوْنَ، فَنَحْنُ نَصُومُهُ تَعْظِيمًا لَهُ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «نَحْنُ أَوْلَى بِمُوسَى مِنْكُمْ فَأَمَرَ بِصَوْمِهِ»(صحيح مسلم)

ഈ പറയപെട്ട രണ്ട് ഹദീസിൽ നിന്ന് قياس കൊണ്ട് സ്ഥിരപെടുത്തി

ഇതിനു പുറമെ തെളിവുകൾ വേണമെങ്കിൽ(إمام سيوطى)الحاوي للفتاوى നോക്കുക

         കേരളത്തിലെ ബിദഈ പ്രസ്ഥാനക്കാരുമായി അഹ്ലു സുന്നയുടെ കർമ പടൻമാർക്ക് ഇടയിൽ വിയോജിപ്പുള്ള ഒരു പ്രധാന വിഷയമാണ് ഇസ്തിഗാസ.തവസ്സുൽ

          ഇസ്തിഗാസയുടെയും തവസ്സുലിൻ്റെയും പേരിൽ മുസ്ലിംകളെ മുഴുവനും മുശ്രിക്കാകാൻ ഈ കൂട്ടർക്ക് ഒരു മടിയും ഇല്ല. ഉപര്യുക്തർ ഇമാം ബുഖാരി അബൂഹുറൈ(റ) നിന്ന് ഉദ്ധരിച്ച ഈ ഹദീസ് ശ്രദ്ധിക്കുന്നത് നന്നാവും;

          നബി(സ) പറഞ്ഞു. ഒരാൾ തന്റെ  സഹോദരനെ 'കാഫിർ' എന്ന് വിളിച്ചാൽ അത് കൊണ്ട് രണ്ടിൽ ഒരാൾ മടങ്ങി.അഥവാ വിളിക്കപ്പെട്ടവൻ അർഹനല്ലെങ്കിൽ വിളിച്ച വ്യക്തി കാഫിറാകുമെന്ന് സാരം.

           ഒരാൾ നബിയാണെന്ന വിശ്വാസത്തോടെ അല്ലെങ്കിൽ ഒരു വലിയ്യ് ആണെന്ന വിശ്വാസത്തേടെ കാര്യ- കാരണ ബന്ധങ്ങൾക്കതീതമായ രീതിയിൽ അവരോട് സഹായ അഭ്യർത്തന നടത്തുന്നത് അനുവധനീയമാണെന്ന സുന്നി പണ്ഡിതരുടെ നിലപാടിന് കത്തിവെച്ച് കൊണ്ട് ശിർക്കാണെന്നാന്ന് തബ്ലീഗിന് അനുകൂലമായ പണ്ഡിതൻമാരുടെ നിലപാട്.

          എന്നാൽ അവർ പറയുന്നത് ഇങ്ങനെ വായിക്കാം: ഏതെങ്കിലും ഒരു വ്യക്തിയോ അല്ലെങ്കിൽ ഒരു സംഘമോ ദൂരെ നിന്നോ അല്ലാതയോ മഹാൻമാരെ ഞങ്ങളുടെ ആവിശ്യപൂർത്തീകരണം സാധ്യമാവാൻ അങ്ങ് അള്ളാഹുവിനോട് ഒന്ന് പറയുമോ. 

           ഇത് ശിർക്കാണ്.. പ്രാർത്ഥന അള്ളാഹുവിന് ആണെങ്കിലും ചെയ്തത് ശിർക്കാണ്.കാരണം മഹാൻമാർ മുഖേനയും  അള്ളാഹു വിളി കേൾക്കും എന്ന വിശ്വാസം ഉള്ളതിനാലാണ്(തഖ് വിയത്തുൽ ഈമാൻ 32)

           ഇവർ പറയുന്നു ജീവിച്ചിരിക്കുന്നവരെ വിളിക്കുന്നതിൽ ശിർക്ക് വരില്ല കാരണം അവർക്ക് സഹായിക്കാനുള്ള കഴിവ് ഉണ്ട് എന്നതാണ്. മരണപെട്ടവർ, അങ്ങനെയല്ല അവർ മരിക്കലോട് കൂടെ അവരുടെ മുഴുവൻ കഴിവും മുറിഞ്ഞ് പോയി എന്നതാണ്

തെളിവ് പരിശോധിക്കാം

🔰واسأل من أرسلنا من قبلك(الزخرف-)" താങ്കൾക്ക് മുൻപ് നാം അയച്ചിട്ടുള്ള മുർസലീങ്ങളോട് നബിയേ ചേദിക്കുക"

🔰قيل أدخل الجنة قال ليت قومي يعلمون(يسى-٢٦

)

ഹബീബുബ്നുന്നജ്ജാറി(റ) സംഭവംആണ് ഇതിൽ നിന്ന് മനസ്സിലായി മഹാൻ വഫാത്തായി എന്ന്

🔰ഹദീസിൽ കാണാം ബദ്റിൽ കൊല്ലപെട്ട ശത്രുക്കളെ ഒരു പൊട്ടൻക്കിണറ്റിൽ വലിച്ചിട്ടതിൻ്റെ അരികിൽ നിന്നു കൊണ്ട് നബി(സ) ഓരോരുത്തരുടെ പേരു വിളിച്ച് ഇപ്രകാരം ചോദിച്ചു. ഞങ്ങൾക്ക് ഞങ്ങളുടെ റബ്ബ് വാഗ്ദാനം ചെയ്തത് കിട്ടി. നിങ്ങൾക്ക് വാഗ്ദാനം ചെയ്തത് കിട്ടിയോ? ഇത് കേട്ട് ഉമർ തങ്ങൾ ചോദിച്ചു അള്ളാഹുവിൻ്റെ തിരു ദൂതരെ ജീവനില്ലാത്ത ജഢങ്ങളോടാണോ അങ്ങ് സംസാരിക്കുന്നത്?

           നബി തങ്ങൾ പറഞ്ഞു: ഞാൻ പറയുന്നത് നിങ്ങൾ കേൾക്കുന്നതിനേക്കാൾ ശക്തമായി അവർ കേൾക്കുന്നു .എങ്കിലും അവർ ഉത്തരം ചെയുന്നില്ല (ബുഖാരി 566/2)

അഹ്ലുസുന്നയുടെ വീക്ഷണത്തിൽ സഹായ അഭ്യർത്തന പലവിധത്തിൽ ഉണ്ട്.

1- ജീവിച്ചിരിക്കുന്നവർ ജീവിച്ചിരിക്കുന്നവരോട്.2- ജീവിച്ചിരിക്കുന്നവർ മരിച്ചവരോട്... 

           ഏത് രൂപത്തിൽ ആയാലും ശരി അവരുടെ കഴിവ് കൊണ്ടാണ് എന്നെ സഹായിച്ചത് എന്ന വിശ്വാസത്തിലാണെങ്കിൽ ശിർക്ക് ആവുന്നതാണ്.. അള്ളാഹു നൽകിയ കഴിവ് കൊണ്ടാണ് എന്ന് വിശ്വസിച്ചാൽ ശിർക്ക് അല്ലാ എന്നും ആണ് വിശ്വാസം

തെളിവ് പരിശോധിക്കാം

🔰وإذ استسقى موسى لقومه (البقرة ٦٠)

മൂസാ നബിയുടെ സമുദായം മൂസാ നബിയോട് സഹായം ചോദിച്ചു മഴക്ക് വേണ്ടി. മഴ ലഭിക്കുകയും ചെയ്തു

🔰 وَعَنْ رَبِيعَةَ بْنِ كَعْبٍ رَضِيَ اللَّهُ عَنْهُ، قَالَ: «كُنْتُ أَبِيتُ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ، فَأَتَيْتُهُ بِوَضُوئِهِ وَحَاجَتِهِ، فَقَالَ لِي: " سَلْ "، فَقُلْتُ: أَسْأَلُكَ مُرَافَقَتَكَ فِي الْجَنَّةِ، قَالَ: " أَوَغَيْرَ ذَلِكَ؟ "، قُلْتُ: هُوَ ذَاكَ، قَالَ: فَأَعِنِّي عَلَى نَفْسِكَ بِكَثْرَةِ السُّجُودِ» " رَوَاهُ مُسْلِمٌ.

ഈ ഹദീസിൽ നിന്ന് വെക്തമാണ് സ്വഹാബി നബിയോട് സ്വർഗത്തിലെ ഉയർന്ന പദവി ചോദിച്ചു.ഈ ചോദിത്തെ നബി എതിർത്തിടും ഇല്ല

🔰ولو انهم اذظلموا أنفسهم جاءوك فاستعفروا الله واستغفرلهم الرسول لوجدوا الله توابارحيما

ഇതിൻ്റെ തഫ്സീർ പരിശോധിക്കാം

يرشد تعالى العصاة والمذنبين إذا وقع منهم الخطأ والعصيان أن يأتوا إلى الرسول صلى الله عليه وسلم فستعفروا الله عنده ويسألوه أن يستعفر لهم فإنهم إذا فعلوا ذلك تاب الله عليهم ورحمهم وغفرلهم (ابن كثير.الرازي)

           തവസ്സുൽ

          ബിദഈ പ്രസ്ഥാനക്കാരുമായി വിയോജിപ്പുള്ള  വിഷയമാണ് വിഷയമാണ് തവസ്സുൽ. ഇട തേടുക എന്നാണ് തവസ്സുൽ ഇൻറെ അർത്ഥം ഇത് സൽകർമ്മങ്ങൾ  കൊണ്ടും സദ് വൃത്തരെ കൊണ്ടുമാകാം. പ്രവാചകനിയോഗത്തിന് മുമ്പ് തന്നെ മുഹമ്മദ് (സ) യെ കൊണ്ട് ഇടതേടുന്ന പതിവ് പൂർവ വേദക്കാരിൽ ഉണ്ടായിരുന്നു'

🔰 اللهم إنا نسألك بحق النبي الأمي الذي وعدتنا إن تخرجه لنا في آخر الزمان الا تنصرنا عليهم ( تفسير القرطبي  2/27)

"അള്ളാഹുവേ' നിരക്ഷരമായ മുഹമ്മദ് നബിയുടെ ഹഖ് കൊണ്ട് ഞങ്ങളെ സഹായികുകയും വിജയിപ്പിക്കുകയും ചെയേണമേ" എന്നവർ പ്രാർത്തിച്ചിരുന്നു

🔰 قال العلامة الآلوسي ولا أرى بأسا في التوسل إلي الله تعالى بجاه النبي ص عند الله تعالى حيا وميتا (تفسير روح المعاني 6/128)

"നബിയുടെ ജാഹ് കൊണ്ട് ഇട തേട്ടി പ്രാർഥി കുന്നതിൽ ഞാൻ യാതെ രു വിരോധവും കാണുന്നില്ല ജീവിതകാലത്തും മരണാനന്തരവും"

🔰عن أنس رضي أن عمر بن الخطاب رضي:كان إذا قحطوا استسقى بالعباس بن عبد المطلب فقال اللهم إنا كنا نتوسل إليك بنبينا فتسقينا وإنا نتوسل إليك بعم نبينا فاسقنا قال فيسقون (بخاري ابواب الاستقاء)

ഇനിയും ദാരാളം തെളിവുകൾ ഉണ്ട് സത്യം മനസ്സിലാകാൻ ഇത് തന്നെ ദാരാളം

              ഇവിടെ അവസാനിപ്പിക്കുന്നു. മുകളിൽ പരാമർശിച്ച വിഷയങ്ങളിൽ ഇനിയും ദാരാളം തെളിവുകൾ അന്തരീക്ഷത്തിൽ ഉണ്ട്. സത്യം മനസ്സിലാക്കാൻ വേണ്ടി മത്രംമാണ് ശക്തിയായ തെളിവുകൾ പരാമർശിച്ചത് 'അതിനാൽ സത്യം മനസ്സിലാക്കി ഇസ് ലാമിലേക്ക് കടന്നുവരുക അള്ളാഹു തൗഫീഖ് നൽകട്ടെ ..ആമീൻ

അവലംബം

1. ലേഖനം- നാട്ടിക മൂസ മുസ്ലിയാർ

2. തഹീദ് - ഹമീദ് ഫൈസി അമ്പലകടവ്

3. ലേഖനം അബൂത്വാഹിർ ഫൈസി മാനന്തവാടി

4. ദർശനം ആലർത്തുർ പടി ദർസ്

5. സമസ്ത 85 വാർഷിക ഉപഹാരം

6. മറ്റുള്ളവരുംമായി അഭിമുഖം

✍️ഹാഫിസ് സഈദ് വാഫി കിളിനക്കോട്

       (പ്രമുഖ എഴുത്തുകാരൻ)

          ഇറാഖില്‍ വെച്ച് അബൂ ഹനീഫ ഇമാമും യുക്തിവാദികളും തമ്മില്‍ ഒരു സംവാദത്തിന് വേദിയൊരുക്കി. സംവാദം നടക്കുന്ന ദിവസം യുക്തിവാദികളുടെ ഭാഗത്ത് നിന്നുമുള്ള ആളുകള്‍ എല്ലാവരും വന്നു. കേള്‍ക്കാന്‍ വന്നവരും നേരത്തെ തന്നെയെത്തി. പക്ഷെ ഇമാം എത്തിയില്ല. യുക്തിവാദികളുടെ ഭാഗത്ത് നിന്നും പരിഹാസത്തിന്റെ സ്വരങ്ങള്‍ ഉയര്‍ന്ന് തുടങ്ങി. ഞങ്ങളോട് സംവാദം നടത്താന്‍ ഭയമുണ്ടായത് കൊണ്ടാണ് അബൂ ഹനീഫ വരാത്തതെന്ന് അവര്‍ പറഞ്ഞു. അല്‍പം കഴിഞ്ഞ് അബൂ ഹനീഫ ഇമാം ഓടിക്കിതച്ച്  അങ്ങോട്ട് കടന്നു വന്നു. യുക്തിവാദികള്‍ ആദ്യം തന്നെ പരിഹാസവുമായി മുന്നോട്ട് വന്നു. ഭയം കാരണമാണ് ഇതുവരെയും വരാതിരുന്നതെന്ന് അവര്‍ പറഞ്ഞപ്പോള്‍ അദ്ധേഹം പറഞ്ഞു, ' എനിക്ക് യൂഫ്രട്ടീസ് കടന്നു വേണം ഇങ്ങോട്ട് വരാന്‍. അവിടെ ഒരു തോണിയുമുണ്ടായിരുന്നില്ല. പെട്ടെന്നായിരുന്നു  കരയിലുണ്ടായിരുന്ന രണ്ടു വലിയ മരങ്ങള്‍ അതിന്റെ ചില്ലകളെല്ലാം വേര്‍പ്പെട്ട് തടിയായി മാറി പിന്നീട് സുന്ദരമായ ഒരു തോണിയായി അതു രൂപാന്തരപ്പെട്ടു. ആ തോണിയില്‍ കയറിയാണ് ഞാന്‍ വന്നത്, ഇതു കൊണ്ടാണ് ഞാന്‍ വൈകിപ്പോയത്. നിങ്ങളെന്നോട് ക്ഷമിക്കണം'. യുക്തിവാദികള്‍ ഒന്നടങ്കം ചാടിവീണു. 'മരത്തില്‍ നിന്നും സ്വയം ഒരു തോണി ഉണ്ടാകുകയോ? തീര്‍ത്തും മണ്ടത്തരമാണ് താങ്കള്‍ പറയുന്നത്'. ഉടനെ അബൂ ഹനീഫ ഇമാം പറഞ്ഞു; 'അതു തന്നെയല്ലെ നിങ്ങള്‍ എന്നും പറഞ്ഞ് കൊണ്ടിരിക്കുന്നത്. ഈ ഭൂമിയും അതിലെ ജീവജാലങ്ങളും മറ്റു സൃഷ്ടിപ്പുകളും സ്വയം ഉണ്ടായതാണെന്ന്, അതിനു പിന്നില്‍ ഒരു ശക്തി ഇല്ലെന്ന്. ഞാന്‍ പറഞ്ഞത് മണ്ടത്തരമാണെങ്കില്‍ നിങ്ങള്‍ പറയുന്നതും മണ്ടത്തരമല്ലെ'. ചര്‍ച്ച മുന്നോട്ട് പോകാതെ പിരിഞ്ഞു.

          മുസ്ലിമായ ഒരു അഅ്റാബിയോട് ദൈവവിശ്വാസമില്ലാത്ത ഒരാള്‍ ചോദിച്ചു, 'നീ വലിയ വിശ്വാസിയല്ലെ, നീ നിന്റെ ദൈവത്തെ എന്നെങ്കിലും കണ്ടിട്ടുണ്ടോ? അഅ്റാബി പറഞ്ഞു, 'ഈ മരുഭൂമിയില്‍ എവിടെയെങ്കിലും ഒട്ടകത്തിന്റെ കാഷ്ഠം കണ്ടാല്‍ അവിടെ ഒരു ഒട്ടകം ഉണ്ട് അല്ലെങ്കില്‍ ഉണ്ടായിരുന്നു എന്നതിനെ അനിവാര്യമാക്കുന്നില്ലെ?,  ഈ മരുഭൂമിയില്‍ മനുഷ്യന്റെ കാല്‍പാടുകള്‍ എവിടെയെങ്കിലും കണ്ടാല്‍ ഒരു മനുഷ്യന്‍ നടന്നു പോയിട്ടുണ്ട് എന്നതിനെ സൂചിപ്പിക്കുന്നില്ലെ?, അങ്ങിനെയെങ്കില്‍ നിറയെ നക്ഷത്രങ്ങളും ഗ്രഹങ്ങളും മറ്റുമുള്ള ആകാശവും, നിറയെ സമുദ്രവും, പുഴയും, ആറുമുള്ള ഭൂമിയും സങ്കീര്‍ണ്ണമായ അതിലെ മറ്റു സൃഷ്ടികര്‍മ്മങ്ങളും സൂക്ഷമമായി സൃഷ്ടി കര്‍മ്മം നടത്തിയ ഒരു സ്രഷ്ടാവിനെ അനിവാര്യമാക്കുന്നില്ലെ?.

          യുക്തിവാദം ഇസ്ലാം പ്രോത്സാഹിപ്പിക്കുന്ന വിശ്വാസ ദൃഢീകരണത്തിനുള്ള ഒരു രീതിയാണ്. നിരന്തരമായി ഖുര്‍ആന്‍ നിങ്ങള്‍ ചിന്തിക്കുന്നില്ലെ, നിങ്ങള്‍ ആലോചിക്കുന്നില്ലെ എന്ന് ചോദിച്ച് കൊണ്ടിരിക്കുന്നുണ്ട്. അന്വേഷണത്തിലൂടെയും നിരീക്ഷണത്തിലൂടെയും പ്രപഞ്ചത്തിലെ അത്ഭുത്തതെയും അതിന്റെ സൃഷ്ടിവൈഭവത്തെയും സൂക്ഷ്മമായി അതു സംവിധാനിച്ച അതിന്റെ പിന്നിലുള്ള ശക്തിയെയും മനസ്സിലാക്കാനും അവനു കീഴ്പ്പെടാനുമാണ് ഖുര്‍ആന്‍ ആവശ്യപ്പെടുന്നത്. 

          യുക്തിവാദികള്‍ ഇസ്ലാമിനകത്തും പുറത്തുമുണ്ട്. ഇസ്ലാമിലെ ഓരോ കാര്യങ്ങളും യുക്തിക്കനുസരിച്ച് മനസ്സിലാക്കി വിശ്വാസം ദൃഢപ്പെടുത്തിയ ധാരാളം പണ്ഡിതന്മാര്‍ കഴിഞ്ഞു പോയിട്ടുണ്ട്. അല്ലാഹുവിന്റെ സാന്നിധ്യവും വിശ്വാസ കാര്യങ്ങളിലെ ബന്ധങ്ങളും അതിനു പിന്നിലുള്ള തത്വങ്ങളും കൃത്യമായി മനസ്സിലാക്കിയവരും അതു ലോകത്തോട് വിളിച്ചു പറഞ്ഞവരുമായിരുന്നു അവര്‍.

          ഇന്ന് യുക്തിവാദികള്‍ എന്ന നാമകരണം ചിലര്‍ തങ്ങളുടെ ലേബലായി ഉപയോഗിച്ചു തുടങ്ങിയതാണ് യുക്തിവാദമെന്ന ആശയത്തെ ആശയപാപ്പരത്തത്തിന്റെ വിളനിലമാക്കിയത്. ഇസ്ലാമിനെ വിമര്‍ശിക്കാനും പ്രവാചകരുടെ ജീവിതത്തിലെ ചില ഭാഗങ്ങള്‍ മാത്രമെടുത്ത് പരിഹസിക്കാനും ഖുര്‍ആനില്‍ തെറ്റു കണ്ടു പിടിക്കാനും കച്ചകെട്ടിയിറങ്ങിയ ഇത്തരം ആശയക്കാര്‍ ഇസ്ലാം അതിന്റെ തുടക്കം മുതല്‍ കണ്ടു പരിചയിച്ചതാണ്. വിമര്‍ശനങ്ങള്‍ കൂടുന്നതിനനുസരിച്ച് വേഗത്തില്‍ വളരുന്ന വ്യത്യസ്ഥമായ സ്വഭാവം എന്നും സൂക്ഷിക്കാന്‍ ഇസ്ലാമിന് സാധിച്ചിട്ടുണ്ട്.

          അദൃശ്യ ലോകത്ത് വിധേയപ്പെട്ട് നില്‍ക്കുന്നവരാണ് യുക്തിവാദികള്‍. ആ അദൃശ്യ ലോകത്തിനു പിന്നിലുള്ള ശക്തിയാണ് അല്ലാഹു എന്നാണ് മുസ്ലിംകള്‍ വാദിക്കുന്നത്. പക്ഷെ അതിനപ്പുറം ശൂന്യമാണെന്ന് വാദിക്കാനും അതു വിശദീകരിക്കാനുമാണ് യുക്തിവാദികള്‍ ശ്രമിച്ച് കൊണ്ടിരിക്കുന്നത്. ഈ ശൂന്യത എങ്ങിനെ ഉണ്ടായി, അതു ആരു നിര്‍മ്മിച്ചു, ശൂന്യതക്ക് പിന്നിലെ സത്യമെന്താണ് തുടങ്ങിയ അന്വേഷണത്തിന്റെ ഉത്തരങ്ങള്‍ മാത്രമാണ് അല്ലാഹുവിലുള്ള വിശ്വാസവും ഇസ്ലാമും. 

          കാര്യകാരണ സിദ്ധാന്തത്തില്‍ വിശ്വാസിക്കുന്നവരാണ് യഥാര്‍ത്ഥ വിശ്വാസികള്‍. ഒരു കാര്യമുണ്ടാകണമെങ്കില്‍ അതിനു പിന്നില്‍ ഒരു കാരണമുണ്ടാകണം. ആ കാരണമില്ലെങ്കില്‍ ആ കാര്യവും നിലനില്‍ക്കില്ല. ഇത്ര സങ്കീര്‍ണ്ണമായ പ്രകൃതിയിലെ പ്രതിഭാസങ്ങള്‍ അല്ലെങ്കില്‍ ജീവജാലങ്ങളിലെ ഘടനകള്‍, മനുഷ്യ ശരീരത്തിലെ പ്രത്യേകതകള്‍, സവിശേഷതകള്‍ തുടങ്ങിയ കാര്യങ്ങള്‍ക്കെല്ലാം പിന്നില്‍ അല്ലാഹു എന്ന കാരണമുണ്ടെന്നാണ് മുസ്ലിംകള്‍ വിശ്വസിക്കുന്നത്. ഇതിനു പിന്നിലൊന്നും ഒരു ശക്തിയുമില്ലെന്നും എല്ലാം സ്വയം ഉണ്ടായതാണെന്നും യുക്തിവാദികള്‍ വാദിക്കുന്നു.

ഇസ്ലാമും ശാസ്ത്രാന്വേഷണവും

          ഇസ്ലാമിന്റെ ഓരോ കാര്യങ്ങളും ശാസ്ത്ര ഗവേഷണങ്ങളിലൂടെ പരീക്ഷണങ്ങള്‍ക്ക് വിധേയമാക്കേണ്ടതാണെന്ന വാദത്തെ അംഗീകരിക്കേണ്ടതാണ്. പരീക്ഷണങ്ങള്‍ക്കതീതമായ കാര്യങ്ങളില്‍ യുക്തിയും തെളിവുകളും നിരത്താനും അവസരങ്ങള്‍ നല്‍കപ്പെടണം. അത്തരം ഭൗതികമായ കാര്യങ്ങളെ ഭയന്ന് മാറി നില്‍ക്കേണ്ട അല്ലെങ്കില്‍ മാറ്റി നിറുത്തേണ്ട ഒന്നും വിശ്വാസത്തിലാണെങ്കിലും ആചാര അനുഷ്ഠാനങ്ങളിലാണെങ്കിലും ഇല്ല എന്നതാണ് ഇസ്ലാമിനെ കൂടുതല്‍ സ്വീകാര്യമാക്കുന്നത്.

          ശാസ്ത്ര പരീക്ഷണങ്ങള്‍ക്ക് പരിധികളും പരിമിതികളുമുണ്ട്. ഇസ്ലാമിലെ വിശ്വാസ കാര്യങ്ങള്‍ മുഴുവന്‍ അനുസരണയുടെയും കീഴ്പ്പെടലിന്റെയും അടിസ്ഥാനത്തിലാണ് ക്രമീകരിച്ചിട്ടുള്ളത്. ഇത്തരം വിധേയപ്പെടലില്‍ പരീക്ഷണങ്ങള്‍ക്കോ നിരീക്ഷണങ്ങള്‍ക്കോ സ്ഥാനമില്ല. വികാരങ്ങളിലും വിചാരങ്ങളിലും ഉള്‍ചേര്‍ന്ന് കിടക്കുന്നവയാണത്. 

          ഖുര്‍ആന്‍ വിശ്വാസികളെ പരിചയപ്പെടുത്തുന്ന സൂക്തങ്ങള്‍ ഏറെ ശ്രദ്ധേയമാണ്. ഖുര്‍ആന്‍ പറയുന്നു, 'തീര്‍ച്ചയായും ആകാശ ഭൂമികളുടെ സൃഷ്ടിപ്പിലും രാപകലുകളുടെ വ്യത്യാസത്തിലും ചിന്തിക്കുന്നവര്‍ക്ക് ദൃഷ്ടാന്തമുണ്ട്. അങ്ങിനെ ചിന്തിക്കുന്നവര്‍ നടത്തത്തിലും ഇരുത്തത്തിലും അല്ലാഹുവിനെ ഓര്‍ക്കുന്നവരും ആകാശ ഭൂമികളെ കുറിച്ച് ചിന്തിക്കുന്നവരും അല്ലാഹുവിന്റെ ദൃഷ്ടാന്തങ്ങളെ പുകഴ്ത്തുന്നവരുമായിരിക്കും. ഇതൊന്നും വെറുതെ സൃഷ്ടിച്ചവയല്ലെന്നും അവന്‍ വിളിച്ച് പറയും. യഥാര്‍ത്ഥത്തില്‍ വിശ്വാസിയാകുന്നത് പ്രബഞ്ചത്തിലെ സൃഷ്ടികര്‍മ്മങ്ങളെ കുറിച്ച് ചിന്തിക്കുമ്പോഴാണ്. ഖുര്‍ആന്‍ നിരന്തരമായി ചിന്തിക്കാനും ആലോചിക്കാനും ആവശ്യപ്പെടുന്നത് അതിലൂടെ വിശ്വാസം ദൃഢപ്പെടാന്‍ വേണ്ടിതന്നെയാണ്. പ്രകൃതിയിലെ ഓരോ കാര്യത്തെ കുറിച്ചും അന്വേഷിച്ച് കൊണ്ടിരിക്കുന്നതിനനുസരിച്ച് വിശ്വാസം കൂടുതല്‍ ദൃഢപ്പെടുകയാണ് ചെയ്യുന്നത്. 

          മുകളില്‍ പരാമര്‍ശിച്ച സൂക്തത്തിന്റെ തുടര്‍ന്നു വരുന്ന ആയത്തില്‍ വിശ്വാസികള്‍ എങ്ങിനെ അവരുടെ വിശ്വാസത്തിലെത്തിച്ചേര്‍ന്നു എന്നു കൂടി വിശദീകരിക്കുന്നുണ്ട്. 'നാഥാ, സത്യ വിശ്വാസത്തിലേക്കുള്ള പ്രവാചകന്‍മാരുടെ നിങ്ങള്‍ വിശ്വസിക്കു എന്നുള്ള ക്ഷണം ഞങ്ങള്‍ കേട്ടു, അപ്പോള്‍ തന്നെ ഞങ്ങള്‍ വിശ്വസിക്കുകയും ചെയ്തു'(ആലു ഇംറാന്‍ 1930). പ്രബോധന ദൗത്യവുമായി ഓരോ സമൂഹത്തിലേക്കും വന്ന അല്ലാഹുവിന്റെ ധൂതന്‍മാരുടെ ക്ഷണ പ്രകാരമാണ് ഇസ്ലാം ലോകത്ത് ഇന്നു കാണുന്ന രീതിയിലേക്ക് വളര്‍ന്ന് വികസിച്ചത്. വിശ്വാസിയായതിനു ശേഷം ഖുര്‍ആനും പ്രവാചകരുടെ ഉപദേശങ്ങളും കേട്ടും സ്വീകരിച്ചും വിശ്വാസം ദൃഢപ്പെടുകയും ചെയ്തു.

          പ്രവാചകര്‍ മുഹമ്മദ് നബി(സ)യുടെ സമൂഹത്തെയെടുത്താല്‍ പ്രവാചകരുടെ കാലത്ത് ജീവിച്ചിരുന്ന സ്വഹാബികള്‍ പ്രവാചകരെ കണ്ടു മനസ്സിലാക്കി ഇസ്ലാം സ്വീകരിച്ചവരാണ്. പക്ഷെ ഇന്നു ജീവിച്ചിരിക്കുന്നവരെ സംബന്ധിച്ചിടത്തോളം പ്രവാചകരെ നേരിട്ട് കണ്ട് വിശ്വാസിയാകാനോ ഉപദേശങ്ങള്‍ സ്വീകരിക്കാനോ സാധിക്കില്ല. ഇതിന്റെ പരിഹാരമാണ് അന്നു തൊട്ട് ഇന്നു വരെ മാറ്റിത്തിരുത്തലുകളേതുമില്ലാതെ നിലനില്‍ക്കുന്ന പരിശുദ്ധ ഖുര്‍ആന്‍. ഖുര്‍ആന്‍ നിലനില്‍ക്കുന്നത് പ്രവാചകരെ സത്യമാക്കാനാണ്. പ്രവാചകര്‍ വന്നിരുന്നത് അല്ലാഹുവാണ് യഥാര്‍ത്ഥം എന്നു പഠിപ്പിക്കാനുമാണ്.

          വിശ്വാസ പരിധിയില്‍ ശാസ്ത്രം അസ്ഥാനത്താകുന്നത് ഇത് കൊണ്ടാണ്. ഭൗതിക തെളിവുകള്‍ ഇസ്ലാമിക വിശ്വാസത്തിന്റെ അടിസ്ഥാനമാക്കാന്‍ സാധിക്കില്ല. വിശ്വാസം ശക്തമാകണമെങ്കില്‍ ഭൗതികമായി അവ തെളിയിക്കപ്പെടരുത്. പ്രാവാചരുടെ ഇസ്റാഅ് മി്അ്റാജ് യാത്രയെ കുറിച്ച് ആലോചിച്ച് നോക്കു. ഇന്ന് ശാസ്ത്രം ഏറെ വികസിച്ചിട്ടും ചില ഗ്രഹങ്ങളില്‍ മാത്രം പോകാനേ സാധിച്ചിട്ടുള്ളൂ. എന്നാല്‍ ഒരു രാത്രി കൊണ്ട് ആദ്യം മദീനയില്‍ നിന്നും ആയിരക്കണക്കിന് കിലോമീറ്ററുകള്‍ക്കപ്പുറം കിടക്കുന്ന ബൈത്തുല്‍ മുഖദ്ദസിലേക്കും അവിടെ നിന്നും ഒരു കോടിയോളം നക്ഷത്രങ്ങള്‍ അടങ്ങുന്ന കുള്ളന്‍ ഗാലക്സികള്‍ മുതല്‍ ഒരു ലക്ഷം കോടി നക്ഷത്രങ്ങള്‍ അടങ്ങുന്ന അതിഭീമന്‍ ഗാലക്സികളുള്ള അന്തരീക്ഷത്തിലെ കോടിക്കണക്കിനു വരുന്ന ഗാലക്സിയും പിന്നിട്ട് അല്ലാഹുവിനെ കാണുകയും സംസാരിക്കുകയും കേവലം മണിക്കൂറുകള്‍ക്കുള്ളില്‍ നേരം പുലരുന്നതിനു മുമ്പ് തിരിച്ചെത്തുകയും ചെയ്തു. ഇന്നത്തെ ശാസ്ത്രത്തിന്റെ ഉപകരണങ്ങള്‍ എല്ലാം വെച്ച് പരീക്ഷണം നടത്തിയിട്ടും ഒരുപാട് ദിവസങ്ങളെടുത്താണ് ചന്ദ്രനിലേക്കും ചൊവ്വയിലേക്കുമുള്ള യാത്ര സംഘടിപ്പിക്കപ്പെടുന്നതും സംഭവിക്കുന്നതും. അത്തരം അവസരത്തില്‍ പ്രവാചകര്‍(സ)ഇങ്ങിനെ ഒരു യാത്ര നടത്തിയെന്നത് പരീക്ഷണങ്ങള്‍ക്കതീതമാണ് എന്നു മാത്രമല്ല ശാസ്ത്രത്തിന്റെ ഏറ്റവും പുതിയ സൗകര്യങ്ങള്‍ വെച്ച് നോക്കിയാല്‍ ഒരു തരത്തിലും വിശ്വാസയോഗ്യവുമല്ല. ഇവിടെയാണ് വിശ്വാസവും ശാസ്ത്രവും വേര്‍തിരിയുന്നത്. ഈ യാത്ര കഴിഞ്ഞ് വിവരങ്ങള്‍ പരന്നു തുടങ്ങിയപ്പോള്‍ അമുസ്ലിംകളായ കുറച്ചാളുകള്‍ അബൂബക്കര്‍(റ)വിന്റെ അടുത്തെത്തി കാര്യമവതരിപ്പിച്ചു. 'നിന്റെ മുഹമ്മദ് ബുദ്ധിക്ക് നിരക്കാത്ത കാര്യങ്ങള്‍ പറയുന്നുണ്ടല്ലോ', അബൂബക്കര്‍(റ)ചോദിച്ചു 'എന്താണ്', വന്നവര്‍ കാര്യം പറഞ്ഞു, വിവരം അതു വരെ അറിയാതിരുന്ന അബൂബക്കര്‍(റ) വന്നവരോട് വീണ്ടും ചോദിച്ചു 'പ്രവാചകര്‍(സ) അങ്ങിനെ പറഞ്ഞോ? 'അതെ' ഉടന്‍ അബൂബക്കര്‍(റ)പറഞ്ഞു, എന്നാല്‍ അതു സത്യമാണെന്ന് ഞാന്‍ വിശ്വസിക്കുന്നു. ഇങ്ങിനെയാണ് അബൂബക്കര്‍(റ)സിദ്ദീഖാകുന്നത്. ഇതാണ് ഇസ്ലാമിലെ വിശ്വാസം. ഭൗതിക തെളിവുകള്‍ക്ക് കാത്തു നില്‍ക്കാതെ വിശ്വസിക്കുക എന്നതാണ് അതിന്റെ അടിസ്ഥാനം. വിധേയപ്പെടലാണതിന്റെ അന്തസത്ത. 

          ഭൂമിയിലെ തന്നെ അനവധി കാര്യങ്ങള്‍ നമുക്ക് ഇന്നും അറിയാത്തവയാണ്. നമ്മുടെ ശരീരത്തില്‍ തന്നെ നമുക്കറിയാത്ത രഹസ്യങ്ങള്‍ മറഞ്ഞു കിടക്കുന്നുണ്ട്. ചില കാര്യങ്ങള്‍ അല്ലാഹു അതേ പോലെ മറച്ച് വെച്ചത് തന്നെയാണ്. അല്ലാഹു അതു പഠിപ്പിച്ചു തന്നിട്ടില്ല. എല്ലാം അറിയിച്ച് തരുന്നതിലൂടെ വിശ്വാസം ബോധ്യമെന്ന തലത്തിലെത്തും. അങ്ങിനെയാകുമ്പോള്‍ ഭൂമിയിലെ ജീവിതത്തിന് അര്‍ത്ഥമില്ലാതാകുകയും ചെയ്യും.

ബൂത്വിയുടെ വിശകലനങ്ങള്‍

          അല്ലാഹുവിന്റെ സാന്നിധ്യവും ഇസ്ലാമിലെ വിശ്വാസത്തിന്റെ അടിസ്ഥാനവും നിരീക്ഷണങ്ങളിലൂടെയും തത്വങ്ങളിലൂടെയും വിശദീകരിക്കാന്‍ ശ്രമിച്ച സമീപകാലത്ത് വിടപറഞ്ഞ വലിയ പണ്ഡിതനാണ് സഈദ് റമളാന്‍ ബൂത്വി.  അല്ലാഹുവിന്റെ അസ്തിത്വം ഉണ്ടെന്ന് തെളിയിക്കുന്നതിനു അദ്ദേഹം കൊണ്ടുവന്ന ചില സിദ്ധാന്തങ്ങള്‍ പരിചയപ്പെടാം. ശൃംഖലാ സിദ്ധാന്തമാണ് അതിലൊന്ന്. ഇതുപ്രകാരം പ്രപഞ്ചത്തിലെ ഓരോ കാര്യങ്ങളും ഓരോ കണ്ണികള്‍ പോലെ പരസ്പരം ആശ്രയിച്ചിരിക്കുകയാണ്. ഓരോന്നും തൊട്ട് മുമ്പുള്ളതിന്റെ കാര്യവും തൊട്ട് ശേഷമുള്ളതിന്റെ കാരണവുമാണ്. ഇതിന്റെ അവസാനം ഒരു ശക്തിയിലെത്തിച്ചേരുമെന്നതില്‍ തര്‍ക്കമില്ല. ഉദാഹരണത്തിന് എണ്ണമറ്റ പൂജ്യങ്ങളടങ്ങിയ ഒരു സംഖ്യയില്‍ എല്ലാത്തിനും മുമ്പായി ഇടത്തേ അറ്റത്തുള്ള ആദ്യ സംഖ്യയിലേക്കായിരിക്കും ആദ്യം ശ്രദ്ധിക്കുക. അതില്ലെങ്കില്‍ അതിനിപ്പുറമുള്ള ഒരു പൂജ്യത്തിനും വിലയില്ലാതാകുകയും ചെയ്യും. പ്രപഞ്ചത്തിന്റെ അറ്റത്ത് അല്ലാഹു എന്ന ഒരു ശക്തിയുണ്ടെന്ന് തെളിയുകയാണിവിടെ.

          മറ്റൊന്നാണ് നിരര്‍ത്ഥകമായ അന്യോന്യാശ്രയ സിദ്ധാന്തം. ഒരു വസ്ഥു ഉണ്ടാകുന്നതിനും ഒരു പ്രത്യേക രൂപം കൈവരിക്കുന്നതിനും മറ്റൊരു വസ്ഥുവിനെ ആശ്രയിച്ചിരിക്കണം. ആശ്രയിക്കപ്പെടുന്നതിന്റെ അസ്തിത്വം നിലകൊള്ളുന്നത് ഒന്നാമത്തെ വസ്ഥുവിനോടാണ്. കോഴിയുണ്ടാവണമെങ്കില്‍ കോഴിമുട്ടയുണ്ടാവണമെന്നും കോഴിമുട്ടയുണ്ടാവണമെങ്കില്‍ കോഴിയുണ്ടാവണമെന്നും പറയുന്നതാണ് അതിന്റെ ചെറിയ ഉദാഹരണം.

          ഖുര്‍ആന്റെ ആധികാരികത പറയുന്നിടത്ത് അദ്ധേഹം മുന്നോട്ട് വെക്കുന്ന സിദ്ധാന്തമാണ് അനുപൂരക സിദ്ധാന്തം. ഒന്ന് മനസ്സിലാക്കിയാല്‍ മറ്റൊന്ന് മനസ്സിലാകുന്ന രീതിയില്‍ രണ്ട് വസ്ഥുക്കള്‍ക്കിടയില്‍ യോജിപ്പുണ്ടാകുമെന്ന സിദ്ധാന്തമാണിത്. സൂര്യനുദിച്ചാല്‍ വെളിച്ചമുണ്ടാകും സൂര്യനെ കാണണമെന്നില്ല. ഇരുട്ടിയാല്‍ സൂര്യന്‍ അസ്തമിച്ചിരിക്കും. അസ്തമയം കാണണമെന്നില്ല. ഒരു ശില്‍പം കണ്ടാല്‍ അതിനു പിന്നില്‍ ഒരു ശില്‍പിയുണ്ടാകും. അയാളെ കാണണമെന്നില്ല. ഇതാണ് അനുപൂരക സിദ്ധാന്തം. ഖുര്‍ആന്‍ അതുപോലുള്ള ഗ്രന്ഥം കൊണ്ടു വരാന്‍ നിരന്തരമായി വെല്ലു വിളിക്കുന്നുണ്ട്. ഒരു വെല്ലുവിളി സ്ഥാനത്താകണമെങ്കില്‍ അതിനു യോജിച്ചവരോട് വെല്ലുവിളി നടത്തണം. കായികതാരം തന്റെ കായിക ശേഷി അറിയിക്കാന്‍ വെല്ലു വിളിക്കേണ്ടത് സാഹിത്യത്തില്‍ മുന്നിട്ട് നില്‍ക്കുന്നവനെയല്ലല്ലൊ. ഖുര്‍ആന്‍ വെല്ലുവിളിച്ചത് അറബി ഭാഷയില്‍ അഗ്രേസരരായ അറബികളെയായിരുന്നു. അവര്‍ ഏതു വിധേനയും ഖുര്‍ആനെയും പ്രവാചകരെയും ഇകഴ്ത്താനായിരുന്നു നോക്കിയിരുന്നത്. അവര്‍ക്ക് സാധിക്കുമായിരുന്നെങ്കില്‍ അവര്‍ കൊണ്ടുവരുമായിരുന്നു. പക്ഷെ അവര്‍ കൊണ്ടു വന്നിട്ടില്ല.

ശാസ്ത്രം

           ശാസ്ത്രമാണ് യുക്തിവാദികളുടെ പ്രബലമായ തെളിവുകള്‍. എന്നാല്‍ ശാസ്ത്രം ധാരാളം പരിമിതികള്‍ ഉള്‍കൊള്ളുന്നതും പ്രകൃതിയിലെ മുഴുവന്‍ കാര്യങ്ങളിലും ഇടപെടാന്‍ സാധിക്കാത്തതുമാണ്. ഉദാഹരണത്തിന് ഏതു മതത്തിലായാലും ആ മതത്തിന്റെ വിശ്വാസ കാര്യത്തില്‍ ശാസ്ത്ര പരീക്ഷണങ്ങള്‍ കൊണ്ടോ ലാബുകളിലുള്ള പരിശോധനകള്‍ കൊണ്ടോ യാതൊരു പ്രയോജനവുമില്ല.

          ശാസ്ത്രത്തെ അന്ധമായി വിശ്വസിക്കുന്നതാണ് ഇന്ന് വിശ്വാസികള്‍ക്കിടയിലും സംഭവിച്ച് കൊണ്ടിരിക്കുന്ന ഭ്രംശത്തിന്റെ പ്രധാന കാരണം. ശാസ്ത്രജ്ഞന്മാര്‍ പുതിയ കണ്ടെത്തലുകള്‍ കണ്ടെത്തിയെന്ന് പ്രഖ്യാപിക്കുമ്പോള്‍ അതു സത്യമാണൊ എന്ന് ഉറപ്പു വരുത്തുന്നതിന്റെ വഴി തേടുന്നതില്‍ നിന്നും പിന്തിരിപ്പിക്കുന്നത് അതിന്റെ സങ്കീര്‍ണ്ണതകളെ കുറിച്ച് ചിന്തിക്കുമ്പോഴാണ്. ചന്ദ്രനില്‍ ആദ്യമായി കാലുകുത്തിയതെന്നു പറയപ്പെടുന്ന നീല്‍ ആംസ്ട്രോങ്ങ് തിരിച്ചു വന്ന ശേഷം ചന്ദ്രനില്‍ വെള്ളമില്ലെന്നും അതു കൊണ്ട് ചന്ദ്രനില്‍ ജീവജാലങ്ങളില്ലെന്നും പറഞ്ഞു, അടുത്ത ദിവസങ്ങളില്‍ ശാസ്ത്രത്തിന്റെ പുതിയ കണ്ടുപിടുത്തമായി പത്രങ്ങള്‍ മുഴുവന്‍ അതു പ്രസിദ്ധീകരിച്ചു. നമ്മളും അതു വായിച്ച് അങ്ങിനെ തന്നെയാണെന്ന് വിശ്വസിച്ചു. യഥാര്‍ത്ഥത്തില്‍ ഭൂമിയെ പോലെ തന്നെ വിശാലമായി കിടക്കുന്ന ചന്ദ്രനില്‍ ഏതോ ഒരു ഭാഗത്ത് മാത്രമിറങ്ങിയ അദ്ധേഹത്തിന് ചന്ദ്രനില്‍ മുഴുവന്‍ വെള്ളമില്ലാത്ത അവസ്ഥയാണെന്ന് എങ്ങിനെ മനസ്സിലായി. ഇനി വെള്ളമില്ലാത്തത് കാരണം ജീവജാലങ്ങളില്ല എന്നത് ഭൂമി എന്ന ഗ്രഹത്തിന്റെ പ്രത്യേകതയാണെന്നിരിക്കെ അന്തരീക്ഷ വായുവിന്റെയും ഗുരുത്വാകര്‍ഷണ ബലത്തിന്റെയും കാര്യത്തില്‍ വരെ ഭൂമിയോട് വ്യത്യാസപ്പെട്ട് കിടക്കുന്ന ചന്ദ്രനില്‍ വെള്ളമില്ലാതെ ജീവജാലങ്ങള്‍ക്ക് നിലനില്‍ക്കാന്‍ കഴിയില്ലെന്ന് എങ്ങിനെ അനുമാനിക്കാന്‍ സാധിക്കും.

          ഇവിടെയാണ് ശാസ്ത്രത്തിന്റെ പരിമിതിയുടെ മറ്റൊരു തലം കൂടി പ്രധാനപ്പെടുന്നത്. ശാസ്ത്രം യഥാര്‍ത്ഥത്തില്‍ ഒരു അഭ്യൂഹമാണ്. ആ അഭ്യൂഹം ശരിയാണെന്ന് കണ്ടെത്താനായി ശാസ്ത്രജ്ഞന്മാര്‍ പരീക്ഷണം നടത്തുന്നു. ആ പരീക്ഷണം വിജയിച്ചാല്‍ അതാണു ശരിയെന്ന് ലോകത്തോട് പറയുന്നു. അതില്‍ വിശ്വാസിക്കുന്നവര്‍ അതു വിശ്വസിക്കുകയും ചെയ്യുന്നു. യഥാര്‍ത്ഥത്തില്‍ മറ്റൊരു ശരി കണ്ടെത്തുന്നത് വരെ അതാണ് ശരിയെന്നതിനപ്പുറം ആത്യന്തികമായി ശരിയാണെന്ന് ശാസ്ത്രത്തിന്റെ ഒരു കണ്ടുപിടുത്തത്തെയും വിശ്വസിക്കാന്‍ സാധിക്കില്ല. കൂടുതല്‍ കുശാഗ്ര ബുദ്ധിക്കാരായ ശാസ്ത്രജ്ഞരും സംവിധാനങ്ങള്‍ കൂടുതല്‍ വികസിക്കുകയും ചെയ്യുന്നതോടെ മുമ്പു കണ്ടെത്തിയ പരീക്ഷണങ്ങളില്‍ മാറ്റം വരുത്താനും പുതിയത് കണ്ടെത്താനുമുള്ള സാധ്യത കൂടുതലാണ്. ഭൂമിയുടെ ആകൃതി പരന്നതാണെന്നും അല്ല അതു വട്ടത്തിലാണെന്നും അതുമല്ല കോഴിമുട്ടയുടെ ആകൃതിയിലാണെന്നും തുടങ്ങി ഓരോ കാലത്തും ഓരോ ശാസ്ത്രജ്ഞന്‍മാരിലും കണ്ടെത്തിയ കണ്ടുപിടുത്തങ്ങളായിരുന്നു ഇവയെല്ലാം. 

          ആര്‍ട്ടിഫിഷ്യല്‍ ഇന്റലിജന്‍സെന്ന ശാസ്ത്രത്തിന്റെ പുതിയ കാല്‍വെപ്പുകളും ധാരാളം പരിമിതികളുള്ളവയാണ്. യുവല്‍ നോഹ് ഹെരാരിയുടെ ഹോമോദിയുസ് ആര്‍ട്ടഫിഷ്യല്‍ ഇന്റലിജന്‍സിന്റെ വരുംകാല സാധ്യതകളെ കുറിച്ച് വിവരിക്കുന്നുണ്ട്. വരാനിരിക്കുന്ന കാലം റോബോട്ടുകളുടെ കാലമായിരിക്കുമെന്നും മനുഷ്യനെ അതിജീവിക്കുമെന്നുമുള്ള വാദങ്ങളാണ് അദ്ധേഹം സമര്‍ത്ഥിക്കാന്‍ ശ്രമിക്കുന്നത്. യഥാര്‍ത്ഥത്തില്‍ ഉട്ടോപ്യയുടെ പരിഷ്‌കരിച്ച പതിപ്പെന്നതിനപ്പുറം അതിനെ കാണാന്‍ സാധിക്കില്ല.

ശാസ്ത്രവും മതവും

          ശാസ്ത്രം മതത്തിന് ഏതെങ്കിലും രീതിയില്‍ തടസ്സം സൃഷ്ടിക്കുന്നില്ല. ഇസ്ലാമിന്റെ കാര്യങ്ങളെ കൂടുതല്‍ സുതാര്യമാക്കുന്നതിനു മാത്രമെ ശാസ്ത്രം ഉപകാരപ്പെടൂ. ശാസ്ത്രത്തില്‍ ആഴത്തില്‍ പരീക്ഷണങ്ങള്‍ നടത്തി മതനിരാസത്തില്‍ എത്തിച്ചേരുമെന്ന് പറയുന്നത് തീര്‍ത്തും നിരുത്സാഹപ്പെടുത്തേണ്ടത് തന്നെയാണ്. 

          കഴിഞ്ഞ നാലു നൂറ്റാണ്ടിനിടയില്‍ ജീവിച്ചിരുന്ന 290 ശാസ്ത്രജ്ഞന്‍മാരില്‍ നിന്നും വിശ്വാസികളായ ആളുകളെ കുറിച്ച് പഠനം നടത്തിയപ്പോള്‍ 92 ശതമാനം പേരും കൃത്യമായ വിശ്വസം സൂക്ഷിക്കുന്നവരാണ് എന്ന മറുപടിയാണ് ലഭിച്ചത്. ഇസ്ലാമേതര വിശ്വാസങ്ങളാണെങ്കിലും ശാസ്ത്രം മതത്തിനോ വിശ്വാസത്തിനോ യാതൊരു പോറലുമേല്‍പിക്കുന്നില്ല എന്നതാണ് സത്യം.

          പരീക്ഷണങ്ങളും നിരീക്ഷണങ്ങളുമായി കെട്ടുപിണഞ്ഞു കിടക്കുന്നവരില്‍ വിശ്വാസം നിര്‍മ്മിച്ചെടുത്ത സ്വാധീനം പുതിയകാലത്തെ പാശ്ചാത്യന്‍ ശാസ്ത്രജ്ഞന്‍മാരില്‍ ഇസ്ലാമുമായി ബന്ധപ്പെടുത്തി നോക്കുമ്പോള്‍ മറ്റുള്ളവര്‍ക്ക് ഒരപവാദമായാണ് നിലനില്‍ക്കുന്നത്. കണ്ടെത്തലുകള്‍ നടത്തുമ്പോള്‍ അതിനു പിന്നിലുള്ള ശക്തിയെ കുറിച്ച് ചിന്തിച്ച് ഇസ്ലാമിലേക്ക് കടന്നു വന്നവരും ക്രിസ്തു മതത്തില്‍ നിന്നും മറ്റും മതമുപേക്ഷിച്ച് പോയവരും ശാസ്ത്രജ്ഞന്‍മാരുടെ കൂട്ടത്തിലുണ്ട്. മനുഷ്യരുടെ കൈകടത്തലുകള്‍ മൂലം ശാസ്ത്രീയമായ അടിത്തറ നഷ്ടപ്പെട്ട മതമായി ബോധ്യപ്പെട്ടവരായിരുന്നു മതമുപേക്ഷിക്കാന്‍ തയ്യാറായവര്‍. ഞാന്‍ എന്തു കൊണ്ട് ക്രിസ്ത്യനല്ല എന്ന ബര്‍ണാഡ് റസലിന്റെ കൃതി അതിനുദാഹരണമാണ്. എന്നാല്‍ ഇസ്ലാമിന്റെ ശാസ്ത്രീയാടിത്തറ ചികഞ്ഞവര്‍ ഇസ്ലാമിലേക്ക് കടന്നു വരുകയും ചെയ്തു. ഫറോവയുടെ ജഢം നൂറ്റാണ്ടുകള്‍ക്കിപ്പുറവും ഒരു പോറലുമേല്‍ക്കാതെ അവശേഷിക്കുന്നതിനെ കുറിച്ചുള്ള ഖുര്‍ആന്‍ പരാമര്‍ശങ്ങളാണ് മോറിസ് ബുക്കായ് എന്ന ശാസ്ത്രജ്ഞനെ ഇസ്ലാമിലേക്ക് കൊണ്ടു വന്നത്. യാദൃശ്ചിക വാദത്തെ പല ശാസ്ത്രജ്ഞന്മാരും നിരന്തരം ചോദ്യം ചെയ്തതായിരുന്നു. ഒന്നുമില്ലായ്മയില്‍ നിന്നാണ് ഉണ്ടായതെങ്കില്‍ ആദ്യ ഇലക്ട്രോണ്‍ എങ്ങിനെ ഉണ്ടായി എന്നത് ഇന്നും ഉത്തരമില്ലാത്ത ചോദ്യമായി അവശേഷിക്കുകയാണ്.

          യഥാര്‍ത്ഥത്തില്‍ ഇസ്ലാമിന് എതിരായ ശാസ്ത്രീയ യാഥാര്‍ത്ഥ്യങ്ങള്‍ ഒന്നുമില്ല. പരീക്ഷണങ്ങളിലൂടെ തെളിയിക്കപ്പെടുന്നത് മാത്രമാണ് ശാസ്ത്രത്തിന്റെ യാഥാര്‍ത്ഥ്യമായി എണ്ണപ്പെടൂ. അനുമാനങ്ങളും അഭ്യൂഹങ്ങളും തെളിവുകളായി ശാസ്ത്രത്തിന്റെ പക്കല്‍ നിന്നും സ്വീകരിക്കാന്‍ സാധിക്കില്ല. ഇനി തെളിവുകളാണെങ്കിലും അതിലും അതിന്റെ ആഴത്തിലിറങ്ങി പരിശോധിക്കുമ്പോള്‍ അന്ധമായി വിശ്വസിക്കുന്നതില്‍ പരിമിതി വരുത്തേണ്ടതിന്റെ ആവശ്യകഥയും ബോധ്യപ്പെടും. നേരത്തെ ഉദ്ധരിച്ച ചന്ദ്രനില്‍ കാലുകുത്തിയ നീല്‍ ആംസ്ട്രോങ്ങിന്റെ കണ്ടെത്തലുകള്‍ പോലെയാണത്. എന്നാല്‍ ഭൂമിയുടെ സഞ്ചാരവും ഭ്രമണ പഥങ്ങളും, ഗ്രഹങ്ങളും തുടങ്ങി അസ്ട്രോ ഫിസിക്സിന്റെ പരിധിയില്‍ വരുന്ന കാര്യങ്ങള്‍ തന്നെ ഖുര്‍ആന്‍ കൃത്യമായി ആയിരത്തി നാനൂറ് വര്‍ഷങ്ങള്‍ക്ക് മുമ്പ് രേഖപ്പെടുത്തിയിട്ടുണ്ട്.

യുക്തിവാദത്തിന്റെ പുതിയ തുള്ളലുകള്‍

          കേരളത്തില്‍ മുമ്പെങ്ങുമില്ലാത്ത വിധം യുക്തിവാദികള്‍ ശക്തമായി രംഗപ്രവേശനം ചെയ്തിരിക്കയാണിന്ന്. വിശ്വാസത്തെ ചോദ്യം ചെയ്യുന്നത് ഒരു ട്രെന്റായി മാറിയിരിക്കുന്നു. പഴയ കാലത്ത് നിന്നും വ്യത്യസ്ഥമായി അഭിപ്രായ സ്വാതന്ത്ര്യം ഇന്ന് കൂടുതല്‍ വിശാലമായിരിക്കയാണ്. ആര്‍ക്കും ആരെയും എന്തും പറയാമെന്ന വ്യവസ്ഥിതിയിലേക്ക് സോഷ്യല്‍ മീഡിയ യുഗം കൊണ്ടെത്തിച്ചിരിക്കുന്നു. ധാര്‍മ്മികമായ ബോധവും അച്ചടക്കവും ദിവസേനയെന്നോണം നഷ്ടപ്പെട്ട് കൊണ്ടിരിക്കയുമാണ്. ഭൗതികമായി പഠനം നടത്തുന്നവര്‍ നേരത്തെ തന്നെ ദൈവത്തിനും വിശ്വാസത്തിനുമതീതമായ ലോകത്തെ മാത്രം പരിചയപ്പെട്ടു തുടങ്ങുകയും ചെയ്യുന്നു. ഈ സാഹചര്യങ്ങളുടെ ആകെത്തുകയാണ് ഇന്ന് ശക്തമായിക്കൊണ്ടിരിക്കുന്ന ഇസ്ലാമിനെതിരെയുള്ള ചോദ്യശരങ്ങളും വിമര്‍ശനങ്ങളും. യുക്തിവാദി നേതാക്കള്‍ കളമറിഞ്ഞ് ചവിട്ടുന്നതോടെ മുസ്ലിം പേരുകളിലുള്ള ധാരാളം യുവാക്കളും അല്ലാത്തവരും ഇത്തരം കെണിയില്‍ അകപ്പെടുകയും ചെയ്യുന്നു.

          ലിബറലെന്നും നവലിബറലെന്നും പറഞ്ഞ് പുതിയ പേരുകളില്‍ വിളിക്കപ്പെടുന്ന ഇത്തരം സാമൂഹികത യഥാര്‍ത്ഥത്തില്‍ യുക്തിവാദികള്‍ വര്‍ഷങ്ങളായി കൊണ്ടു നടക്കുന്നതില്‍ നിന്നും യാതൊരു വ്യത്യാസവുമില്ല. നൂറ്റാണ്ടുകള്‍ക്ക് മുമ്പ് വാദിച്ചിരുന്ന പഴയ വാദങ്ങള്‍ പൊക്കിപ്പിടിച്ചാണ് ഇന്നും അവര്‍ സ്റ്റേജുകളും പേജുകളും നിറക്കുന്നത്.

           ഇസ്ലാമിന്റെ പരമമായ സത്യത്തെയും വിശ്വാസത്തെയും അക്രമിക്കുന്നതിനു പകരം ഇസ്ലാമിന്റ ബലഹീനത അന്വേഷിച്ച് അതില്‍ പഴുതുകള്‍ തേടി അത്തരം കാര്യങ്ങളെ ഊതിവീര്‍പ്പിച്ച് കാണിക്കുന്ന രീതിയാണ് യുക്തിവാദികള്‍ പിന്തുടരുന്നത്. ഇലക്ട്രോണുകളില്‍ നിന്നോ ശൂന്യതയില്‍ നിന്നോ ഉണ്ടായതാണ് പ്രപഞ്ചമെന്ന് പറയുമ്പോള്‍ ആ ഇലക്ട്രോണ്‍ എവിടെ നിന്നു വന്നു എന്നതിനു ഉത്തരമില്ല. ഖുര്‍ആനില്‍ തെറ്റു കണ്ടു പിടിക്കാന്‍ തുനിയുന്നവര്‍ക്ക് പതിനാല് നൂറ്റാണ്ട് മുമ്പ് ഖുര്‍ആന്‍ വെല്ലു വിളിച്ച ഖുര്‍ആനിലുള്ള ഒരു ആയത്ത് പോലുള്ള ഒന്ന് കൊണ്ട് വരാന്‍ സാധിക്കുമോ എന്നതിനു മറുപടിയില്ല. അസാധാരണ മനുഷ്യനായ പ്രവാചകരുടെ സവിശേഷതകളെ വിമര്‍ശിക്കുമ്പോള്‍ അവര്‍ പറയുന്നതല്ല എന്റെ മുത്തുനബി, എന്റെ മുത്തുനബി സല്‍ഗുണ സമ്പന്നനും മാനുഷിക സാമൂഹ്യ മൂല്യങ്ങള്‍ക്ക് പ്രാധാന്യം നല്‍കുന്നവരുമായ സമ്പൂര്‍ണ്ണരായിരുന്നെന്ന ആശ്വാസമാണ് പരിഹാരം.

          യഥാര്‍ത്ഥത്തില്‍ ഇതൊരു രോഗമാണ്. അതിനു പിറകെ നടക്കുന്നവര്‍ രോഗികളും. ചില താല്‍പര്യങ്ങള്‍ സംരക്ഷിക്കാന്‍ വേണ്ടി പടച്ചുണ്ടാക്കിയ പഴകിപ്പുളിച്ച വാദങ്ങളുമായി നടക്കുന്ന ഇത്തരം ആളുകളെ കുറിച്ച് ഖുര്‍ആന്‍ പറഞ്ഞതാണ് ഓരോ വിശ്വാസിക്കും എപ്പോഴും ആശ്രയവും അറ്റവും. ഖുര്‍ആന്‍ പറയുന്നു, 'പറയുക, ആകാശ ഭൂമികളിലുള്ളവയെ കുറിച്ച് നിങ്ങള്‍ ചിന്തിക്കുക, വിശ്വസിക്കാത്തവര്‍ക്ക് ദൃഷ്ടാന്തങ്ങളും മുന്നറിയിപ്പുകളും ഒരു നേട്ടവും ഉണ്ടാക്കുന്നില്ല'(യൂനുസ് 101).